ناڤ: تاڵب
ناڤێ بابێ: حسێن
ساڵا ژ دایکبوونێ: 1951
ڕۆژا مرنێ: 06-09-2022
جهێ ژ دایکبوونێ: #کەرکووک#
جهێ مرنێ: #هەڤلێر#
$ژیاننامە$
ل ساڵا 1951 ل باژێرێ #کەرکووک#ێ یا #باشورێ کوردستان#ێ ل بنەمالەکا کورد پەروەر و زمان دۆست ژدایک بوویە. بابێ وی خودێ ژێ ڕازی حسێن عەلی کەسەکێ دلسوز بو نەتەوە و زمانێ کوردی بوویە، ژ بەر ڤێ چەندێ هەر ژ دەستپێکا ژێی تاڵب هەوڵ دایە کو دیروکا زمانێ شرینێ کوردی بو زارۆکێ خو پتر بدەت ناسین، د. تاڵب وەکی تەڤایا زارۆکن دن یێن تاخا خوە ل ژیێ 7 ساڵی ب نەچاری ل قوتابخانەکا ڤی باژێری ب زمانێ عەڕەبی دەست ب خوەندنا سەرەتایی بکەت و قوناغێن خوەندنێ ئێک ب ئێک دێ دەرباز کەت، لێ بەڵێ بابێ وی ژی هەڤدەم دگەل خوەندنا عەڕەبی یا قوتابخانێ هەر گاڤ دێ ڤێ چەندێ بوو ڕوون کەتەڤە کوو زمانێ دایک زمانێ کوردییە و پێتڤییە ئەم گەلەک بهایێ پێبدەین. د. تاڵب پشتی کو ل ژیێ 20 ساڵی دا دێ خوەندنا قوتابخانێ ب ئێک جاری تمام بکەت، حەز و خولیایەکا زور بو زمانێ دایک هەنە، ل بەر ڤێ جەندێ دخازیت کو ل خوەندنا خوە یا زانکویێ ب زمانێ کوردی ڤە دەست پێبکەت لێ بەلێ ل باژێرێ کەرکووکێ نکاریت بگەهتە ئامانجا خوە ژبەر کو ل سەردەمێ ڕژێما بەعس زمانێ کوردی ل #زانکویا کەرکووک#ێ تو بەشەکا تایبەت نەبوو. لێ ئەڤ چەندە نەبوونە بەربەست کوو تاڵب دەست ژ حەز خولیایێن بەربدەت. لدوماهیێ ل ساڵا 1977 و د ژیێ 26 ساڵی دە دێ خو گەهینیت باژێرێ سلێمانی کو هەردەم بو زمان وئەدەبێ کوردی پێشەنگ بوویە و ل بەشێ زمانێ کوردیێ #زانکویا سلێمانی# دێ دەست ب قوناغەکا نی یا خوەندنێ بکەت و ل ژیێ 30 ساڵی دە ب پلا نایاب و وەکو ئێکەمێ بەشا خوە دێ قوناغا زانکویێ تمام بکەت و پشتی چەند ساڵەکان بیروکا ماستەرێ د زمانێ کوردیدا دێ بیتە خولیایەکا دن بو وێ، ل ساڵا 1986ێ دێ پێشکەشی کۆلیژا ئاداب ل #زانکویا سەڵاحەدین# بکەت بو پلا ماستەرو ل ساڵا 1989ێ دا ناما ماستەرا خوە ل ژێر ناڤێ (فۆنۆلۆجی کوردی و دیاردەی ئاسان بوونی فۆنیمەکان لە زاری سلێمانیدا) ب پلا نایاب دێ بدەستڤە ئینیت و وەکە ماموستا ل ڤێ بەشێ دا دێ دەست ب کارێ خوە کەت. پشتی چەند ساڵەکان وەک مامۆستا جارەک دن حەز و خولیایا زمانێ کوردی دێ وی بەرەڤ سەرکێشیەکا دن هان بدەن و ل ساڵا 1998ێ پلەیا دکتورا ل ژێر ناڤ و نیشانێ (هەندێ لایەن لە پەیوەندی نێوان ڕستە و واتا لە کوردیدا) ل کولێژا ئاداب یا زانکویا سەڵاحەدین دێ بدەست خوە ڤە ئینیت.
$کارنامەیا ئەکادیمی:$
• پلەیا زانستی: پروفیسۆر
• پسپوریا گشتی: زانستێ زمان – زمانێ کوردی
• پسپوریا تایبەت: واتاسازی
بەشداریا زوربەی کوڕ و کونفرانسێن تایبەت ب زمانێ کوردی ل ناڤخو و دەرڤەی وڵات کرییە.
ل بەشا زمانێ کوردی، کولێژا پەروەردەیا زانکویا سەڵاحەدین – هەولێر ماوەیێ فەرمانبەریا خوە ب کوتا ئینا و خانەنشین بوو.
سەرەنجام ب مخابنیڤە ل 06-09-2022 ل ژیێ 71 ساڵیدا ل باژێرێ هەڤلێرا پایتەختێ باشوورێ کوردستانێ ماڵئاڤیا ئێکجاری ل ژیانێ کر.
[1]
Dette produktet har blitt skrevet på et språk (کرمانجی - کوردیی سەروو), klikk på ikonet
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 1,286 ganger
Skriv din kommentar om dette elementet!