$Agahiyên şehîd:$
Nasnav: Rohat Dengdar
Nav û Paşnav: Faysal Yilmaz
Cihê Jidayikbûnê: Colemêrg
Navê Dayikê-Bav: Feyruz – Abdulkadîr
Cih û Dîroka Şehîdbûnê: Zap/ Nîsana 2022’an
$Kurtejiyana şehîd:$
Hevrêyê me Rohat Dangdar li navçeya Çelê ya Colemêrgê ji nava malbateke welatparêz hatiye dinê. Hevrêyê me Rjhat ê li bin dorpê, zext û zilma dewleta Tirk a li Çelê, hê ji temenê biçûk ve rastiya dijmin nas dike. Hevrê Rohat ê Têkoşîna Azadiya Kurdistanê ji nêzîk ve dinase, heskirineke wî ya mezin ji bo gerîla heye. Biryar dide ku li ser şopa xalê xwe Dengdar ê şehîd bûye bikeve ser rê. Hevrêyê me dibe şahidê wê yekê ku bê ka dewleta Tirk çawa ciwanên Kurd ne tenê bi fîzîkî, hemwext bi çand û madeyên hişbir ji rastiya wan dûr dike. Bi hêrsa li dijî rejîma faşîst a bê exlaq û îdîaya azadiya Rêbertî û Kurdistanê sala 2013’an berê xwe dide nava refên gerîla. Hevrê Rohat ê gavên yekem a gerîlatiya xwe li Avaşîn avêt, bi zû fêrî jiyana gerîla bû, pîvanên esasî yên gerîla fêr dibe. Dema ku sala 2014’an çeteyên DAÎŞ’ê êrîş dibe ser Şengalê û civaka Êzidî, çeka xwe hildide û ber xwe dide Şengalê. Li Şengalê bi cesereteke mezin li ber çeteyên DAÎŞ’ê têkoşîn dike, di gelek çalakiyan de cih digire, ezmûneke mezin a şer digire. Bûye yek ji milîtanên Apoyî yê DAÎŞ’ê li Şengalê têk bûye ye. Bi serbilindiya ku weke milîtaneke Apoyî ku erk û berpirsyariyên xwe yên dîrokî, sala 2018’an ala têkoşînê li Şengalê dewrî ewladên leheng ên civaka Êzidî YBŞ’ê dike, derbasî Herêmên Parastinê yên Medyayê dibe. Hevrê Rohat ezmûnên xwe yên li geliyê Şengalê ji bo li çiyayên Kurdistanê bixe meryetê, derbasî Zapê dibe ûw eke fermandareke HPG’ê katîf tevlî şer dibe. Li qada Zapê gelek xebatan bi serketî pêk tîne, cih di çalakiyên derbên xurt li dagirkeran dide de cih digire, bi dilnizmiya xwe ji aliyê hevrêyên xwe ve tê heskirin. Li Zapê bi salan ked dide, dibe yek ji fermandarên Zapê herî tê heskirin. Weke Fermandarê Herêmê erkê digire. Hevrê Rohat weke fermandarê Herêmê li Çiyareş li pêşberî Çelê ya warê gel, eşîret û malbata wî ye kar dike. Dewleta Tirk a dagirker bi nemerdane bi çekên kîmyawî êrîşî Çiyareş dike, hevrêyê me Rohat û 7 hevrêyên di bin fermandariya wî de şehîd dibin. Hevrê Rohat bi sekna xwe ya fedayî ya Apoyî weke fermandareke gelê Kurdistanê dikeve dîrokê, bûye yek ji ewladên ku gelê Çelê tim bi wî serbilind bin. Heta hevrêyên mîna Rohat wiha leheng hebin, wê Kurdistan ji bo dagirkeran bibe goristan.[1]