نوونەرێ ئەنەکەسێ ل عەفرینێ ددە زانین، ئالیکاریێن #دەزگەھا خێرخوازییا بارزانی# بێ جوداھی ل سەر ھەموو پێکھاتەیان تێن بەلاڤکرن.
نوونەرێ ئەنجوومەنا نشتمانییا کورد ل سووریێ (ئەنەکەس)ێ ل #عەفرین#ێ ئەحمەد حەسەن ژ بۆ کوردستان 24 دا زانین دەرباسکرنا ئالیکاریێ ژ ئالیێ دەزگەھا خێرخوازییا بارزانی بۆ عەفرینێ جھێ کێفخوەشیا ھەموو نشتەجیێن باژێرە، ب تایبەت کو ھەرێما کوردستانێ یەکەم ئالییە کو ب ھاوارا خەلکێ عەفرینێ ڤە ھات.
ئەحمەد حەسەن گۆت ژی، باندۆرا ئەردھەژێ زێدەتر ل باژارۆکێ جندرێسێ و ھەژمارەک گوندێن دن بوویە و ژ سەدی 70 – 80 ژ ئاڤاھیێن باژارۆکێ جندرێسێ یان ب تەمامی ھلوەشینە یان ژی دەرز لێ کەتنە و ژیان تێ دا نابە و خوەدیێن وان نھا دەربدەرن و پێویستیا وان ب خێڤەتان ھەیە.
دیار کر ژی، نھا ئالیکاریێن ھەرێما کوردستانێ و دەزگەھا خێرخوازییا بارزانی ل کەسێن ژ ئەردھەژێ زیان دیتنە ل سەر ھەموو پێکھاتەیان تێ بەلاڤکرن.
ئەحمەد حەسەن دەستنیشان کر ژی، ئەنجوومەنێن خوەجھی یێن ئەنەکەسێ ل عەفرین و جندرێسێ ئامادە نە کو لگەل دەزگەھا خێرخوازییا بارزانی ھەڤاھەنگیێ بکن و ھەڤکاریان ل سەر خەلکێ زیاندیتی بەلاڤ بکن.[1]
Dette produktet har blitt skrevet på et språk (کرمانجی), klikk på ikonet
for å åpne elementet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 653 ganger
Skriv din kommentar om dette elementet!