ڕاوێژکاری سەرۆکوەزیرانی ئێراق بۆ کاروباری دارایی، مەزهەر محەمەد ساڵح، ئاشکرای کرد، بانکی ناوەندیی ئێراق، لەسەردەمی #مستەفا کازمی#، سەرۆکوەزیرانی ئێراق، ساڵی ڕابردوو 2022 پارەی بۆ کڕینی زیاتر لە شەش هەزار یەکەی نیشتەجێبوون لە تورکیا گواستووەتەوە، کە ئاماژەیە بۆ ئەوەی هەموو ئەم پارانە لە ڕێگەی وەسڵی ساختەوە نێردراوە.
مەزهەر محەمەد ساڵح لە چاوپێکەوتنێکی تەلەڤزیۆنیدا وتی ئێراق لە ساڵی ڕابردوودا نزیکەی شەش هەزار یەکەی نیشتەجێبوونی لە تورکیا لە ڕێگەی وەسڵی ساختە و بەبێ هیچ چاودێرییەکی بانکی ناوەندی ئێراق کڕیووە.
ئاماژەی بەوەشکرد، گفتوگۆی نێوان بانکی ناوەندی و یەدەگی فیدراڵیی ئەمریکا ئەنجامی ئەرێنی هەبوو، ئێراقیش ڕێوشوێنی شەفافی گرتووەتەبەر بۆ ڕێگریکردن لە قاچاخچێتی دۆلار.
ڕاوێژکاری سەرۆکوەزیرانی ئێراق بۆ کاروباری دارایی لە درێژەی قسەکانیدا، وتی ئێراق یەدەگی نەختینی هەیە بە بەهای 115 ملیار دۆلار، هەروەها دیناری ئێراقی بەهێزە، بە بەڵگەی ئەوەی فرۆشی بانکی ناوەندی زۆرە، ئاماژەی بەوەدا کە ئەو وەرەقە سپییەی کازمی پەسەندی کرد، لاواز بوو، دەستکەوتی پێویستیان بەدەست نەهێنا. [1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 824 ganger
Skriv din kommentar om dette elementet!