ئەمڕۆ سێشەممە #21-02-2023# #ستران عەبدوڵڵا# لێپرسراوی مەکتەبی ڕاگەیاندن پێشوازی لە ڕۆژنامەنووس ڤگێر نهێلی کرد، کە لەمەودوا لە دەنگی گەلی کوردستان، لە ناوەندی ڕادیۆکە، درێژە بە خزمەت و خەباتی میدیایی خۆی دەدات. لێپرسراوی مەکتەبی ڕاگەیاندن وێڕای بەخێرهاتنی، پشتیوانی بۆ ڤگێر نهێلی دووپاتکردەوە و ئاماژەی بەوە کرد کە #یەکێتیی نیشتمانیی کوردستان# دەستبەرداری هەڤاڵ و کادرە ئازا و ئازادەکانی خۆی نابێت و پشتیوانییان لێ دەکات. ئاماژەی بەوەشکرد: میدیاکارانی یەکێتی پەیامی یەکێتی و ڕاگەیاندنێکی نیشتمانی و دیموکراتی دەپارێزن و بەوپەڕی بەرپرسیارێتی و ئازایەتییەوە درێژە بە کاروانی میدیایی خۆیان دەدەن و لە گەڤ و هەڕەشە ناترسن و بە دڵنیاییەوە ڕێی ڕاستی ڕاگەیاندنی پەیامداری کوردستان و دیموکراتی دەمێننەوە. ئەندامانی مەکتەبیش کە ئامادەی دیدارەکە بوون پشتیوانی خۆیان بۆ کار و خزمەتی لەمەودوای هەڤاڵ ڤگێر دەربڕی و ئامادەی هاوکاریکردنی بوون بۆ سەرکەوتنی لە ئەرکە نوێکەیدا. شایەنی باسە ڤگێر نهێلی کە لە ڕادیۆی بادینان بەرنامەی هەبوو ماوەیەکە بە بیانووی جۆراوجۆر و ڕەخنەوە ئاساییشی #دهۆک# چەند جارێک هەڵدەکوتنە سەر ماڵەکەی و دەیانەوێت دەستگیری بکەن، بەبێ هیچ پاساوێکی یاسایی. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 556 ganger
Skriv din kommentar om dette elementet!