لێکۆڵینەوەکان دەڵێن کاتێک مرۆڤ بۆ ماوەی 30 خولەک بە پێ دەڕوات سوودێکی زۆری بۆ تەندوروستیی دەبێت و دەبێتە هۆی دوورکەوتنەوە لە چەندین نەخۆشیی و گرفتی جەستەیی و دەروونیی.
بەپێی توێژینەوەکان 30 خولەک ڕۆشتن بە پێ دەبێتە هۆی دەردانی هۆرمۆنی دڵخۆشیی و ئارامبوونەوەی دەروون و کەمکردنەوەی ئاستی خەمۆکیی و نیگەرانییەکان، هاوکات تووشبوون بە پەتا وەرزییەکانی وەک ئەنفلۆنزا و هەڵامەت کەم دەکاتەوە و ماسوولکەکان دەجوڵێن و خۆراک بە باشی دەگاتە مێشک.
یەکێکی تر لە سوودەکانی ڕۆژانە نیو کاتژمێر بەپێ ڕۆیشتن ئەوەیە کە هاوکات چەورییە هەڵگیراوەکانی ناوچەی سک دەسوتێنرێت و ئەگەری تووشبوون بە نەخۆشییەکانی دڵ و لوولەکانی خوێن کەمتر دەکاتەوە.
ڕۆژانە 30 خولەک بە پێ ڕۆیشتن سوڕی خوێن چالاک دەکات و پارێزگاری لە هاوسەنگیی جەستە دەکات و هۆکاریک دەبێت بۆ دوورکەوتنەوە لە تووشبوون بە گرێی شێرپەنجەیی بە تایبەت شێرپەنجەی مەمک.
پسپۆڕانی تەندرووستیی هەروەک دەڵێن بە پێ ڕۆیشتن وەک قەڵغانی پێشگریکردنە لە تووشبوون بە سەکتەی مێشک؛ بەوپێیەی بەرەنگاری ئەو فاکتەرانە دەبێتەوە کە مەترسیی تووشبوون بە سەکتە زیاد دەکەن، وەک بەرزبوونەوەی پەستانی خوێن و ئاستی شەکری خوێن و ڕێژەی کۆلیسترۆڵی خوێن. [1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 626 ganger
Skriv din kommentar om dette elementet!