پەیماڼامەو لۆزانی و پەشتکەردەی جە کوردی
دۆڵەتی عوسمانی، وەرە وەرە هۊرشنیۍ وەراوەرو دۆڵەتە هامپەیمانەکاوە، دماڕۊش تاریکو تەمین بۍ، چۊنکم بە وېیەردەو زەمەنی پارچېش چەنە کنیېنێ و سەروەریش نەمەنۍ، بەڵام دماو پەیماڼامەو سیڤەری بارە قۊمیێکۍ بە ئاراستێوە تەر ملشا نیا. کەمال ئەتاتورک کوردستانو سەرنیشتیش کەرد یاگۍ خېزیای خەباتو وېش و ڕېک وستەو هېزەکەیش، چوونکم کوردستان یاگێ دورەبۍ جە دەسەڵاتو هامپەیمانەکا، هەر چا سەردەمەنە ڕوسیا جە هامپەیمانەکا جیا بییۆ و وەراوەرشاوە مدرا، چوونکم هامپەیمانەکۍ دۆڵەتۍ سەرمایەداری بېنۍ و دژمەن بە ئایدولۆژی ڕوسیەی بېنۍ، هەرپەوکەتەی ڕوسیا وەراوەرشاوە مدراو کۆت پەشتگیری کەردەی دۆڵەتەکا ئېرانی و تورکی، بە وایەو ئانەی چوار دەورو وېش مەحکەم کەرۊ و دەسەڵاتو وەڵاتە هامپەیمانەکا دورو وزۊوە، هامکات دۆڵەتە هامپەیمانەکېچ گەرەکشابۍ تورکیا بە بەهېزی مەنۊوە و لاو ( لافاو ) کۆمۆنیزمی نەماڵۊش.
ئانە هەلێ تەڵایېنە بۍ پەی مستەفا کەمالی کە ئیتر بە تەمامی دەسېش وەڵێ بیێو تاواش بە پەشتگیری سەربازی و سیاسی دۆڵەتی بەڵشەفی، فرەو خاکو تورکیای ڕزگارکەرۊو کۊمەڵێ پەیمانۍ تازېشا چەنی بەسۊ بە قازانجو تورکیای، ئیتر مستەفا کەمال پەی یەکجاری ڕۊحش جە پەیمانو سیڤەری کېشت و پەیمانێ تازەش کەرد بە ئەمرۊ کەتواری (واقعی) کە جە شارو لۆزانی وەڵاتو سویسرای بە نامۍ (پەیماڼامەو لۆزانی) بەسیا، پەیمانو لۆزانی شەرعیەتشدا بە دۆڵەتی تازەی تورکی (کەمالی) و چاڵنیای مافەکا کوردی .[1]
Dette produktet har blitt skrevet på et språk (هەورامی), klikk på ikonet
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dette produktet har blitt sett 1,492 ganger
Skriv din kommentar om dette elementet!