پەڕڵەمانتاریکی یەکێتی دەڵێت پێویستە حکومەتی هەرێمی کوردستان هاوشێوەی حکومەتی فیدراڵ پڕۆژەیاسای بودجە بنێرێتە پەڕڵەمانی کوردستان. #نەرمین مەعروف#، ئەندامی لیژنەی دارایی لە پەڕڵەمانی ئێراق ڕایگەیاند لیژنەی دارایی و ئابووری پەڕڵەمانی ئێراق بەردەوامە لە گفتوگۆکانی تایبەت بە پڕۆژە یاسای بودجەی گشتی، بە مەبەستی شیکردنەوەی سەرجەم ڕەهەندە دارایی و ئابووری و کۆمەڵایەتییەکانی بودجە و ئامادەکردنی بۆ خوێندنەوەی دووەم لە هەفتەی داهاتوودا ئاماژەی بەوەشدا، ئەم بودجەیە گەورەترین بودجەیە لە مێژووی ئێراقدا و زیاترە لە 199 ترلیۆن دینار بە پەسەندکردنیشی کاریگەرییەکی گەورە درووستدەکات لەسەرکۆی سێکتەرە ئابوورییەکان و ژیان و گوزەرانی هاووڵاتییانی ئێراق. ئەوپەڕڵەمانتارەی یەکێتی ئەوەشی خستەروو، پشکی هەرێمی کوردستان لەم بودجەیە بە ڕێژەی 12.67% دیاریکراوە و دەکاتە زیاتر لە 15 ترلێۆن دینار و گرنگییەکی زۆری هەیە بۆ سەرپێخستنەوەی پڕۆژەکانی بواری وەبەرهێنانی گشتی و ڕەخساندنی هەلی کار و کۆتایهێنان بە کێشەی دواکەوتنی مووچە و ئەو قەیرانە داراییەی ساڵانێکە تووشی هەرێمی کوردستان بووە. د. نەرمین مەعروف، جەختی لەوەشکردەوە، لەپێناو پاراستنی مافی هەموو چین و توێژەکان لەم داهاتە و دابەشکردنی بەشێوەیەکی دادپەروەرانە پێویستە حکومەتی هەرێمی کوردستان، هاوشێوەی حکومەتی فیدراڵ پڕۆژە یاسای بودجە بنێرێتە پەڕڵەمانی کوردستان و لە چوارچێوەی یاسای بودجە و بەڕەزامەندی نوێنەرانی گەل کۆی داهات و خەرجییەکانی حکومەت ڕێکبخرێتەوە. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 660 ganger
Skriv din kommentar om dette elementet!