بنەچەو بەگزاڎەکا هۆرامانی
بەشۊ پەنجەمۍ
سڵېمان بەگ:
دمای کۊچی دمایینو میر سەعیدی، سڵېمان بەگی کوڕش بی بە حوکمڕانو هۆرامانی، سڵېمان بەگ کەسێ دەروېش مەشرەب بییەن، هەم جە ڕوخسارەنە و هەم جە کردارشەنە، بە داڎوەری و دەسبڵاوی بە نامبانگ بییەن، سەردەمو حوکمڕانیەکەیشەنە (میر تەیمووری گورگانی) بە لەشکەرێ فرەی بۍ شومارۆ هۆرامانەرە گوزەرش کەردەن ڕوەو شارەزوور، سڵېمان بەگ زانانش وەرگیری جە لەشکەرێ چامنەی نە کارو ئەقڵین، نە ئینا تەواناو خەڵکو هۆرامانینە، پاسەش بە خاس زانان نەلۊ گژېشەرە، چا کەینونبەینەنە هۆرامان بۍ زەرەر بەرشییەن، دمای (99) نەوەڎ و نۊ ساڵا حوکمڕانی، ساڵەو (898ک/ 1492ز) کۊچی دمایینش کەردەن و (بارام میرزا بەگ) ی کوڕش نیانشا یاگېش.
شایانو باسیەن حوکمڕانەکۍ هۆرامانی سەرەتاوە تاکو سەردەمو (بارام میرزا بەگ) ی بە بڕیارو شوورێ سەرو تەختو دەسەڵاتیۆ نریێنېرە، بەڵام دمای داگیرکەردەی کوردەسانی جە لاو (شاکا سەفەوی، سوڵتانەکا عوسمانی، میرەکا ئەردەڵانی و بابانی) بنەماو شوورێشا ناستەن، تەنیا بە فەرمانو وېشان دەسەڵاتدارېشا نیێنېرە.[1]
Dette produktet har blitt skrevet på et språk (هەورامی), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 615 ganger
Skriv din kommentar om dette elementet!