هەسارەو ئاوۍ:
هەسارۍ جە هۆرامانەنە، پېسەنۍ حەوزێ گۆرەی، وەردەمو هانەکانە یان کارېزەکانە وەشېکریان، شېوەشان خڕەن یان هېڵەیین، وەشکەردەیشان پا تەرزە بە خاترەو ئانەی وەختێ ئاوەکۍ دلېشانە پەڼگە وەرۊوە، دیوارەکېشا نەتەقا، پەی پاک کەردەیۆ و بەتاڵ کەردەیشان بنەشاوە بەرەشان پەی وەشکەران، گۆرەیی و گولانەییچشان پېوەڼیش بە بڕو ئاوەکېشاوە هەن، هەسارۍ چامنۍ هەنە شەو و ڕوێنە دوۍ جار هاڵیە کریۊن، هەنەیچشا تەنیا یەک جار هاڵیە کریۊن، چەنی هاڵی کەردەیشان چن تەڵانێ باخی ئاوی مڎان.[1]