ئەجۊ نانش سۊتەن ساجەرە
پېسە مزانمۍ ساج پەی نان برېشتەیەن، وەختێ نانەکە برېژیۊ، هۊر دڕیۊ، یانی بە برېژیایی سەرو ساجەکەیۆ لابریۊ، گەر کوچێ دېرتەر نانەکەی هۊر دڕی، ئانە سۊچۊن.
ئینە بېیەن بە ئیدیۆمێ کە دلۍ فەرهەنگو کوردەوارینە بەکارش ماران. گەر ئا ژەنۍ هەکە نان پەچۊن بە هەرمانێ گولانۍ، یان بلۊ پەنەۋازیێ بارۊن، بە پەلە مەگېڵۊوە پەی لاو پنەو سەردۊڵەکەیش، ماچۊ: ئیسە نانەکەم سۊتەن ساجەکەیرە.
گەر کەسێ پەلە پەل کەرۊ، یان گەر سەرەڕانە وینیش بە پەلە مەرحەبایێ کەرۊو ڕەڎ بۊ، پەنەش ماچی: ئانە چی ئاڼە پەلەتا، خۊ نانت نە سۊتەن ساجەرە.[1]