=KTML_Bold=فەرماندەی هێزەکانی 70ی یەکێتی، دەڵێت: ئەگەر هێزەکانی پێشمەرگە یەکنەخرێنەوە هاوپەیمانان بەجێمان دەهێڵن.=KTML_End=
#مستەفا چاوڕەش#، فەرماندەی هێزەکانی 70ی یەکێتی، ڕایگەیاندووە، دەمێکە هاوپەیمانان دەڵێن یەکبگرنەوە، ئێستاش پێمان دەڵێن و تازە نییە، بەڵام ئەوەی بڵێن مەوعیدی 90 ڕۆژیان دیاری کردبێت ئەسڵ و ئەساسی نییە، ئەم هەواڵانە بە درۆ بڵاودەکرێنەوە و ئەوانە ناحەزن.
دەشڵێت، ئەگەر هەرێمی کوردستان هێزەکانی خۆی ڕێکنەخات ئەوا هاوپەیمانان جێمان دەهێڵن.
ئەوەش دەڵێت: بۆ یەکگرتنەوەی هێزەکانی پێشمەرگە لەگەڵ هاوپەیمانان ڕێککەوتنی چوار بۆ پێنج ساڵیمان هەیە، ڕێککەوتنەکە ماوەی زیاتر لە ساڵێکە دەستی پێ کردووە و لە 2026 تەواو دەبێت.
ئاماژە بە ئەوەش دەکات، ئێمە لەگەڵ پارتی ئەگەر پەیوەندییەکانمان خراپیش بێت خۆ نایگەیەنینە مریشکە ڕەشە. [1]