#سەعدی ئەحمەد پیرە#، ئەندامی مەکتەبی سیاسی یەکێتی ڕایگەیاند، پەڕڵەمانی کوردستان نەماوە تاوەکوو هەڵبژاردن لەدەستی پەڕڵەمان بێت و کۆمیسیۆنی نییە، دەبێت کۆمیسیۆنی ئێراق ئامادەبێت و پێمان بڵێت کە کەی دەتوانێت سەرپەرشتی هەڵبژاردنی هەرێم بکات، پێمانوایە ئەوە لە بەرپرسیارییەتی سەرۆکایەتی هەرێمی کوردستان و داوای لێبکات. ئەمڕۆ شەممە #17-06-2023# سەعدی ئەحمەد پیرە لە لێدوانێکدا بۆ ڕۆژنامەنووسان ڕایگەیاند، ئەو گرژییەی کە هەبوو لەپێش پەسەندکردنی بودجە و کاتی پەسەندکردنی بودجە تەواوبو، ئێستا هەر کەسە و شەوێک بە ئیسراحەت خەوت ئیتر ئێستا کاتی ئەوە هاتووە کە چۆن دەتوانین ماڵی خۆمان ڕێکبخەینەوە و بەگژ ئەو هەڕەشانەدا بچینەوە کە بەسەر هەرێمی کوردستاندا دێت، کە یەکڕیزی میللەتی کورد پێویستە بۆ پێشهاتەکانی دێنە کایەوە. باسی لەوەشکرد، بابەتی مووچەی فەرمانبەران بوەتە بابەتێکی سیادی و پەیوەندی بە ناکۆکی نێوان لایەنەکاندا نامێنێت و پێدەچێت شێوەی دابەشکردن و دۆخی ئابووری ئێراق کە پارەیەکی زۆر هەیە دەتوانرێت بۆ هەلی کار و پڕۆژەکانی ئاوەدانکردنەوە بەکاربهێنرێت. سەبارەت بە مادەی 8ی بودجەش کە ئەولەویەت پێویستی یەکە ئیداریەکانە و یەکە ئیداریەکانیش داواکاری خۆیان بگەینن لایەنی پەیوەندیدار، سەعدی ئەحمەد پیرە راشیگەیاند، ئێستا پەڕڵەمانمان نەماوە تاوەکوو هەڵبژاردن لە دەستی پەڕڵەمان بێت و کۆمیسیۆنیشمان نییە، دەبێت کۆمیسیۆنی ئێراق ئامادەبێت و پێمان بڵێت کە کەی دەتوانێت سەرپەرشتی هەڵبژاردنی هەرێم بکات، پێمانوایە ئەوە لە بەرپرسیارییەتی سەرۆکایەتی هەرێمی کوردستان و داوای لێبکات. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 560 ganger