ئی دەسە ئاتاجیش پا دەسەیە نەبۊ:
پېسە ئیدیۆمێ، هەم پېسە ئاواتێ یام نزێوە واچیان پەی بارو فەقیری و ئاتاجی.
ژیوای ئینسانی ئەوەڵ پەشتی بە خالقی بەسۊن، دماتەر بە تەواناو وېش، گرڎ کەسێ خوڎای گۆرەی تەوانێوە پەنە دان پەی هەرمانکەردەی، پەی دەسئاوەردەی ژیوای وېش و زارۊڵاش.
ڕاسەن یارمەتی و کۊمەک واجیبێ ئایینی و ئینسانین، ئینسان پا بەها بەرزاوە زەریفەن، بەڵام چەنی ئانەیچە کۊمەک و یارمەتی کارۍ کاتیېنۍ، هەرگیز بنیاڎم بە کۊمەک و یارمەتی ژیوای نمەکەرۊن، چەنی بۊ دایېم چەمش دەسو خەڵکی بۊ، کەسایەتیش لەکەدار کەرۊ؟
وەڵینەکۍ ڕاسشا فەرماوان: ئی دەسە موحتاجو ئا دەسەیە نەبۊ، یانی دەسی چەپ موحتاجو دەسی ڕاسی نەبۊ.[1]