زۆر جار لەلایەن پزیشکانەوە باس لە کاریگەرییە دەروونییەکان و جەستەییەکانی کەمخەوی کراوە، بەڵام ئەم جارە پزیشکان کاریگەرییەکی دیکەی کەمخەوی ئاشکرا دەکەن، کە کەمتر باسی کراوە.
ئەو کەسانە، کە شەوانە وەکوو پێویست ناخەون و کەمخەون، لە درێژخایەندا لە ڕووی سێکسییەوە لاواز دەبن و کەمخەویی درێژخایەن دەبێتە هۆی ماندوویەتی و بێتاقەتیی ڕۆژانە و بێ وزەیی، لە ئەنجامیشدا هۆرمۆنە سێکسییەکانییان لە چالاکی دەکەون.
پزیشکان لە توێژینەوەیەکدا بۆیان دەرکەوت، کە ئەو پیاوانەی شەوانە باش دەخەون، سپێرمەکانیان وەکوو پێویست جووڵەی هەیە و ڕێژەی تۆوەکانیان بەراورد بەو پیاوانەی شەوانە ناخەون و کێشەی کەمخەوییان هەیە، زیاترە.
هەروەها پزیشکان ئاشکراشی دەکەن، باشترین کاتی خەوتنی شەوانە، کە پشوو بە جەستە و مێشک دەدات، کاتژمێر 11ی شەو بۆ 8ی بەیانییە.
جەختیش دەکەنەوە، کەمخەویی شەوانە بە هیچ شێوەیەک بە خەوتنی ڕۆژانە قەرەبوو ناکرێتەوە، چونکە هەندێک هۆرمۆن لە شەوانەدا لە کاتی خەو و لە کاتژمێرێکی تایبەتدا چالاک دەبن، بۆیە پێویستە مرۆڤ زیاتر گرنگی بە خەو و کاتژمێرەکانی خەوتنی بدات. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 474 ganger
Skriv din kommentar om dette elementet!