جەنگ
جەنگ یانی خېزیېوە چەکدارانە مېیانو دوۍ دۆڵەتانە، یان مېیانو دوۍ تەبەقا کۊمەڵینە، پەی بە دەسئاوەردەی دەسەڵاتی سېیاسی و ئابووری.
جەنگ بەرکۆتێ کۊمەڵی تاریخین، یانی قوناغێ تاریخیەنە خېزیۊو دلۍ قوناغێ تەرینە مدرۊ.
دمای پېڎابېیەی مولکداری تاکە کەسی و پېڎابېیەی تەبەقەکا جەنگ بی بە واقیع پەی زاڵبېیەی تەبەقە داگیرکارەکەی.
ئەچی سەردەمەنە سەرچەمەو هەر جەنگێ ڕژېمو سەرمایەدارین، کە قوناغو ئیمپریالیزمینە مەیاوۊ ئۆپەڕو توڼ و تیژی، دوۍ نۊعۍجەنگ هەن، جەنگی عادیلانە و جەنگی ناعادیلانە، کە هەر یۊشان ئەشناسێوە وېش هەنش.
هەر یۊ چی دوە جۊرەیە بە چڼین تەرزۍ ملا ڕاوە، یانی چن جۊرۍ جەنگ دلۍ وېشانە هۊرگېڕان، پېسە جەنگی بایولوجی، کیمیایی، جەنگی سەرد، جەنگی ئەنتەرنێتی، جەنگی ئەتومی، ..هتد.
جەنگ بڕێ جاری بە وەکالەت مەکریۊن، یانی گرفتو مېیانو دوۍ دۆڵەتا، یان دوۍ لایەنا، یان دوۍ کەسا، بە دوۍ دۆڵەتۍ تەر، یان دوۍ لایەنۍ تەر، یان دوۍ کەسۍ تەر کریۊن، پېسە دەسکېشا بەکارشامارانۍ.[1]