ناونیشانی بابەت: منداڵی سوار (breech presentation)
ئامادەکردن و نووسین: د. #کەژان کاوە تەها#
یەکێکە لە شێوازەکانی وەستانی کۆرپەلە لە ماوەی دووگیانیدا کە سمت و قاچی
کۆرپەلە لە خوارەوە و سەری لە سەرەوەی منداڵدانە.
لە ماوەی دووگیانیدا کۆرپەلە دەکرێت بە هەر بارێکدا بوەستێت و گۆڕانکاری لە شێوازی وەستانیدا ڕووبدات ئەمەش بەتەواوەتی ئاساییە تاوەکوو هەفتەی 36 بۆ 37ەمی دووگیانی و زۆرێک لە کۆرپەلە دەگەڕێنەوە باری ئاسایی کە سەری لەخوارەوە دەبێت و تەنیا 3 - 4٪ ی کۆرپەلە بە سواری دەمێننەوە.
=KTML_Bold=لە هۆکارەکانی بریتین لە:-=KTML_End=
- فرەدووگیانی
- شێوە زگماکییەکانی منداڵدان
- نەشتەرگەری منداڵدان.
- لەپێشبوونی وێڵاش
- زۆری یان کەمی شلەی ئەمنیۆن.
پێویستە پێش لەدایک بوونی کۆرپەلە و دوای هەفتەی 37 ی دووگیانی لەژێر چاودێری پزیشکی پسپۆڕی ژنان و منداڵبوون بیت ئەگەر پلانی منداڵبوونی سرووشتیت هەبێت چونکە لەباری کۆرپەلەی سوار منداڵبوونی سرووشتی گرانە و زۆربەیان بەنەشتەرگەری لە دایک دەبن بەتایبەت ئەگەر یەکەم منداڵبێت. [1]