دار ماچۊ گەر تەۋەر دەسەش جە وېم نەبۊ، نمەتاوۊ بڕۊمۆ
تەۋەر ئامرازێ دار بڕیەی و دار کەردەیۆن، دەمەکەش پارچە ئاسنێ دەم تیژەن، دەسەکەیچش جە داریەن.
پېسە واتمان دەسەو تەۋەری جە داریەن، چوونکوم دار سووکەن تەوەرەکە بە ئاسانی گېریۊن و شانیۊن، بەڵام گەر دەسەکەش ئاسن بیێ، ئانە تەۋەرەکە فرە قۊرس بۍ، فرە بە زەحمەت شانیۍ.
پېسە پەندێ بەکارئامان پەی وۍ وەری و خېیانەت جە یۊترینی کەردەی.
دژمەن هەرچن بە هېز و بە تەدارەک بۊن، هەرچن پۊشتە بۊن، بەڵام وەردەمو ئیرادەی پۊڵایینو خەڵکینە مەلەرزۊن، مەگنۊن، بەڵام دژمەن پەی زاڵ بېیەی، تاکتیکێ تەر بەکارمارۊن، ئاڎییچ وەشکەردەی تەفرەقە و دوە بەرەیی مېیانو خەڵکینە، سیاسەتو دەسە تەۋەرەکەی بەکار مارۊن، بڕێ کەسۍ مسانۊن بە تەمای مادیە، یام تەماو دەسەڵاتی کە دلېنە بە گرڎ ئامرازێ پەلامارەو هېز و دەسەڵاتو میللەتەکەو وېشان بڎان، بە هاندای خەڵکی زدشان، بە وەڵاکەردەیۆ پاگەندا پەی وڕنای ورەو خەڵک و چەکدارەکاشا، ئانۍ پېسەنۍ دەسەو تەۋەری، کە میللەتو وېشان بڕاوە.[1]
Dette produktet har blitt skrevet på et språk (هەورامی), klikk på ikonet
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dette produktet har blitt sett 513 ganger
Skriv din kommentar om dette elementet!