#کانیا سپی#
کانیا سپی جهەکێ پیرۆزێ ئاینێ ئێزدیانە دکەڤیتە لالشا نوورانی، د باوەڕیا ئێزدیان دا لدەمێ تۆفانا نەبی نوح ڕابووی ئاڤ ل هەموو جها شێلوو بوو ژبلی ئاڤا کانیا سپی ژبەر هندێ دبێژنێ کانیا سپی، کانیا سپی پیرۆزیەکا تایبەت هەیە لدەڤ ئێزدیان ژبەر کو د باوەڕیا ئێزدیان دا کانیا سپی هێڤێنێ لالشە و هەروەسا هەر کەسەکێ ئێزدی بیت پێتڤیە ب ئاڤا کانیا سپی بهێت مۆر کرن ( تعمید ) یان ژی حەلال کرن، هەر کەسەکێ ئێزدی ل سەرانسەری جیهانێ پێتڤیە د ژیێ خوە دا جارەکێ بهێت مۆر کرن و ئەو کەسێن ئێزدی یێن ژ دەرڤەی وەلاتی ژی هەر گاڤا دەرفەت بۆ وان چێبوو پێتڤیە سەرەدانا لالش بکەن و زارۆکێن خوە مۆر بکەن. ل کانیا سپی سێ کانی هەنە، جهەک بۆ مۆرکرنا کوڕان و جهەک بۆ مۆرکرنا کچان و جهێ دی ژی بۆ مۆر کرنا سومبۆلێن ئێزدیان، نە ب تنێ ئێزدی دهێن مۆر کرن ل کانیا سپی بەلکو هلێلێن خاسا و بەرێ شباکێ و خەرقە و تاووسێن ئێزدیان و چەندین سومبۆلێن ئێزدیان ل کانیا سپی دهێن مۆرکرن و هەفت پەری ژی دهێن مۆر کرن لدەمێ جەژنا جەمایێ دا، پێتڤیە هلێل و پەری و بەرێ شباکێ و سومبۆلێن ئێزدیان هەر سالێ جارەکێ بهێن مۆر کرن و ژنو بهێن سوارکرن، ڕامانا هەفت پەریان ژی هەفت ملیاکەتن دەمێ خودێ ژ نوورا خۆ ئافراندین. پێتڤیە ئەو کەسێ بتە سەردەری یان ژی مجێورێ کانیا سپی ژ پیرێن پیر بال بیت و ئێزدی لسەر دەستێ وان دهێن مۆر کرن و حەلال کرن و سێ جارا دەست و جاڤێن وان ب ئاڤا کانیا سپی دهێن شوشتن و دوعا دهێت کرن و مالا زارۆکی ژی هندەک شرینیا سەر زارۆکی ڕا دهاڤێژن لدەمێ مۆرکرنێ و سەربڕەکێ ژی سەرژێدکەن، و لدەمێ ئێزدی قەستا لالش دکەن نان و خوارنا خۆ ب ئاڤا کانیا سپی مۆر دکەن و ئەگەر کەس و کارێن وان سەرەدانا لالش نە کربیت وێ ڕۆژێ وی نان و خوارنا مۆر کری لسەر وان بەڵاڤ دکەن و هندەک کەس دەمێ ژ دەرڤەی وەڵاتی دهێن هەر تشتێ ژ لالش ببەن ب ئاڤا کانیا سپی مۆر دکەن و هندەک ئاڤا کانیا سپی ژ خوە ڕا دبەن بۆ کەسانێن خوە وەکی دیاری ئەوێن دەرفەت ژوانڕا نە بووی قەستا لالش بکەن. [1]
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 300 ganger
Skriv din kommentar om dette elementet!