چی مەشۊم ڕۊمانەو (چنارە) ی بوانمېوە؟
بەشۍ: چوارەمە
وەختێ نویسەر دیالۆگ مجۊرە و پەی نموونەی پییایېوە و ژەنېوە منیۊرە وەراوەروو هەنترینیوە، جۊروو قسەکەردەی ئی دوە کەسەی مشۊ فرە فەرقشبۊ و چنارەنە ڕیک پاسەن. بەتایبەت وەختێوە زوان مدریۆ دەسو ژەناوە. بەهمەنی پەی دوێ کەسایەتیا جە ژەنا، مەسەڵەن پەروانە و حەلیمەی هەسروەش، دوێ نۆعێ قسە کەردەیێ بە تەمامی جیا جە یۆی مجۊرە. پەی نموونەی دیالۆگەکاو حەلیمەی لیپاو لیپێنێ چا تان و تەشەری کە هەسروێوە هەمیشەی کېشۆشا دلێ چەماو ئا وەیوېشرە کە گەرەکەش نېیەنه. تاوو بواچو کەسایەتیو حەلیمەی عالتەرین کەسایەتین کە نویسەر کەسایەت سازی (شخصیت پردازی)، (ئەڵبەت واتەو کەسایەت سازی یاگێوە نەدیێنەم و مەزانۇو تاکو چە ڕادېوە تاوۆ مەعناو شخصیت پردازی یاونۆ)ش پەی کەردەن. قسەکێ وېش و وەسفەکێو نویسەری پەڕوو پۆسوو حەلیمەینێ. ئی باتەتە نمایان کەردەی تاکی هۆرامین پېسەو ژەن و پیای جە دۊخە جیاجیاکانە. دەروېش میران وەختێ پەروانە زاوڵەشبۊ، مەلۆنە ئوتاقەکێ چوون پەی پیای وەش نەبېیەن باسی ژەنانەنە دەخاڵەت کەرۊ و ئادیچ جبەرۆ نیشتەنرە و دۆعاش پەی کەرۊ سەرو مازڵۆخەکەیوە تاکوو زاوڵەکەش بە سڵامەت پێدابۊ.
فەرشید ڕۊستەمی.[1]
Dette produktet har blitt skrevet på et språk (هەورامی - Kurdish Hawrami), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 324 ganger
Skriv din kommentar om dette elementet!