هەوارێ بە نامۍ تازەبېیەی
نویستەی: #سابیر عەزیزی#
جە فەلسێفەو تازەگەری و تازە بېیەینە هاری چوزە بەرکەرڎەی وەرچەما و هەڵمەتەو چەمەڕایی چەم پەنەنەکەوتەی، ساڵەی تازێ لەنجەش مێ و تەنورەو دڵا بە خەمخانەو تەمیارەی سواقە دریەنە و هەناسەو گۆپکەو ئازادی مەولۊیانە: دووربینەکەی چەم ئەم سەر ئەو سەرەن.
تا چەم هەرمانە کەرۊ و مشتەو تەماحێ مژماری فەرێحە بە قۆرەخ کریایی مەنینەوە و دەسەواموو خەڵاتوو گېیانە شیرینەو ڕۊڵەکاما باڵاخەنەو حەوت تەلاروو قەرزینە نە گەردوونی تاواش و نە هێمەتوو مافی سەرکەلو ئاسۆینە قەرەبووش کەرۊوە. دەس بە زەنگۆڵ ئی نۆرۊزیچمە تاقچەو لانیاینە بە کۊڵەواری هەناسەو زامداریوە تۆمار کەرد. بەشکەم تاکو نۆرۊزی دمایین ئانە کە ماچمۍش بوەو سوورە ولێ چېروو سۆخمەو کناچڵانە دارە تەلیلەو وەتەنینە بە سەمەر یاوۆ و ئاواتە سەقەتەکێ با بە داروو هەزار سەرەی. [1]
Dette produktet har blitt skrevet på et språk (هەورامی), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 214 ganger
Skriv din kommentar om dette elementet!