پېخامێ پەی وەرپەرسا هەورامانی
هەر پیسه گردلێوەما زانمی جە وەرکەوتو دلیڕاسەینە فاڕیایێ ڕیشەیی ئینا ڕاوە، پی زوانیەیچە نیشانەکیش بەریگنا، جا من چیگۆ گەرەکما ئی مەسەلی بەسوە بە هۆرامانیۆ هەرپیسە گردلێوەما زانمی هورامی زوانی خەریکا چڵاکیارە و وەرمەنە هورمیزا، چوون زانا وی خڵافنای فایڎەش نېیا و دنیا نمەمدرو دیارو کەسیۆ وە ئانەیچشا پەی بەرکەوتەن کە هەرچیێ ڕوە بڎۊ بی ئەو نېیا، پېسە قەڎیمیا واتەن ئی ماسە موېش ئینا چەنە، گردما زانمی کە هۆرامانیچ پیسە گردو یاگەکا تەری گیروڎەو حیزبایەتین هەر سەرەتاو وەش بیەو شوڕشەکاوە تاکو ئیسە، بەڵام حیزبایەتیەکەو هۆرامانی بەس وی ماڼای بېیەن، چوون وەرانوەرەنە هیچ چیوێ پاسە نەکریان پەی هۆرامانی. تەماشەکەردۍ پیسە سیاسیەکی ماچا هۆرامان لانکەو شوڕشی بېیەن، بەس ئیسە ئا لانکە پەڕا بی هەرمانی و بی خزمەتگوزاری و یەک دنیا گرفتۍتەری. هۆرامان بەهەشتێ بېیەن پەی سیاسیەکاو جەحەڼەمێ پەی خەڵکەکەیش، تەماشە کەردی هەروەخت دماگیرو هۆرامی هەر مەسولێوە بیەبوو خاسترین پلەو پۆستش هورگیرتەن، کەچی ئیسە ڕەنگا ڕاو دەگاکی ویش نەزانو یان هەفتێ چارێ بلوە یەک مەسول نېیا کە چیوېش پەی بی وەرۆ یان پەنەوازەش بە پاڵپەشتی بوو تەحەدا کەرو یەک هۆرامی پاڵپەشتیش کەرو بەگردو حیزبەکاوە. من مەزانۇ چی کوردەسانەنە حیزبایەتی بېیەن بەخەیرو بەرەکەت پەی فرەو یاگا، کەچی پەی هۆرامانی بەس شەڕەپەڕو قینەبەرایەتیەکەش پەی مەنەنۆ! ئیسەیچ یاگ هەن وەرو حیزبایەتی یەکتری مەدونا! جا ئەر گەرەکتانە کە چەنی خەڵکو ویتا ئاشتتا بۊوە بە دەسی پەڕ و پڕۆژیوە ڕوەکەردێ هۆرامان، دمایی نە حیزب نە ئایدۆلۆژیا هیچکام چینیشا مەمەنا تاکو پاڵشا دەیدی پۆو حەسیەیدێ. من پېسه هۆرامیێ ئینەی یاونو هەرچن خەڵک دوی ئڼەو منش ئینا دڵەنە بەس مەیارو واچوش!
بە قسێ دکتۆر مستەفا زادەی کۆتای بە نویستەکەی مارو کە فەرماو:
بنویسمێ بە زوانی هۆرامی، بوانمێوە بە زوانی هۆرامی، کە ئاڵاو قەڵەمی نەبڕیەینە باڵاو هیچ مێللەتێویەرە.
ڕێبوار هەورامی.[1]
Dette produktet har blitt skrevet på et språk (هەورامی - Kurdish Hawrami), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 95 ganger
Skriv din kommentar om dette elementet!