دەمەتەقێوە سەرو ڕۊمانەو چنارەی
بەشۍ: هەشتەمە
فەزاو چنارەی:
فەزا ئا حاڵو هەوا و وەرکەوتە زەمانی و مەکانېیەن کە جە ڕاو شەخسیییەت دروسکەردەی و وەسفکەردەی گردو عەناسورە دەخیل دریەکاو دلیٛ ڕوٙمانی دروس بوٙ، فەزاو چنارەیە فەزایوٙ پەڕ جەتەرسی و دڵەخورپیٛ و نائوٙمیٛدیا، ڕەنگدایوٙ ڕوەداو و سەربوردە و کاروکاردانەوە و ڕەفتار و گوفتارو کەسەکان، ڕوەداوەکیٛ هەر چوار فەسڵەنە ڕوە مڎاو هەر فەسلیٛو پەی ویٛش بەرۋزو بەشیٛو جە تەنگ و چەڵەمەکا جەمگاو چنارەیا، چنی ئانەیچە شەخسییەت سازی و فەزاسازی ئینێ خزمەتو ئا چیروٙکانە کە ڕوە مڎا، تەمەلوولو وەهاری و دیمەنی سەوز و گەشو کەش و کوٙساری، گەرماو هامنی و سایەو چیٛرو کەپرا و دلی باخەکا چنارەی و بەر و بوومە هەمەڕەنگەکەش، سەرداو پاییزی و وەزتەکنای و هەنارکەنای تاکو سەرداو سڵەوه و وەرو وارانو زمسانی و هیٛزم ئاردەی و هیٛزم هوٙرچنیەی، پیٛسە هارموٙنییەوی عاتفی و ڕوٙحی فەزاو ڕوٙمانەکەیش داگیرکەردەن.
ڕەفعەت مورادی.[1]
–
Dette produktet har blitt skrevet på et språk (هەورامی - Kurdish Hawrami), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 279 ganger
Skriv din kommentar om dette elementet!