زوانو بۍ ئەقڵی، کرېڵو قەبرېشا
کرېڵ پەی کەردەیۆ قوفڵی یام یاگێ ژەنیایەن، ئینە پېسە مانا فیزیکیەکېش، بەڵام مانێوە تەرەی مەعنەویە مڎۊ، پانەی پېسە کرېڵو (بەختەوەری، بەهەشتی، زانستی، وەشگوزەرانی، ...هتد) ، بڕێ جارېچ پېسە ماچان کرېڵو نەگبەتی و جەحەڼەمی و نەهاتی مێ.
زوان پارچە گۊشتێن، بە ژڵېوەش دەنگەکا درووسی مەکەرۊن، ئا دەنگۍ پېوەرە واچۍ و دەسەواچۍ وەشۍ کەران، ئا واچۍ و دەسەواچۍ وەختێ دلۍ دەمینە مزیارە هەم شیرینۍ و هەم تاڵېنۍ، ئانەیچ مەگېڵۊوە پەی خاسی و خرابی کەسەکەی، کەسی ئاقڵ و دەروون پاک، لۆز و کەلامش شیرینەن، قسېش وەشېنۍ، ئاقڵانە مەدوۊن، ئاگاش جە دەمیشەن، ئانەی ئینا دلۍ دڵیشەنە نمارۊش سەرو دەمیش.
کەچی کەسی دەروون پیس و خراب، دەمیچش هەر پیسەن، قسۍ فڕە مڎۊ، فرەو جاری دلۍ دڵیش مارۊ دلۍ دەمیش، تەواناو پارېزنای سڕیش نېیەنە، بەهانۍ مڎۊ دەسو خەڵکا تەریۆ، ئا جۊرە کەسۍ سڕو وېشان مەیاونان لاو خەڵکی، ئیتر ئانەیچە مەبۊن بە هۊکارو گرفت و ناڕەحەتی پەیشان، فرەو جاریچ مەبانۍ بە هۊکارو کوشتە و مەردەیشان.[1]
Dette produktet har blitt skrevet på et språk (هەورامی), klikk på ikonet
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dette produktet har blitt sett 280 ganger
Skriv din kommentar om dette elementet!