سەرو کڵافەیش ۋڵاونان
کڵافە تۊپەڵێ (نەی) نە، کە پېسە تۊپۍ هۊرکریێنە، بەکارش ماران پەی کڵاش چنیەی و هەم چنیەی چن پەنەۋازیێ ڕوانەی. ئا (نەی) ۍ وەختێ هۊرکریۊن و مەبۊن بە کڵافێ شېوە تۊپی خڕ، سەرو تاڵە نەیەکۍ مەگنۊ سەرو کڵافەکەی، یانی دیاریەنە، گەر ئا کڵافە دەسۆ بگنۊرە، یام شېویۊ، سەرو نەیەکۍ گۊم مەبۊن و بە زامەت مەتاوا نەیەکۍ بەکارباران، چوونکوم ئاڵوزکیۊ یۊیرەو سەر و کۊتاش گمەن. کریان بە ئیدیۆمێ و وەراوەر پا کەسا بەکارئامان هەکە مەگنا دلۍ هەرمانێ و سەرەش چەنە بەرنمەکەران، سەرشان وەنە شېویان، وېچشان نمەزانان چکۊوە دەس پەنەکەران، سەرو هەرمانەکېشا وەنە گوم بېیەن. ئەچا بارەنە ئینسان وایە و ئامانجش ڕۊشن نېیەن، دلۍ بازنێ ژنیاینە خۊلیۊوە، هەرچن گەرەکشەن سەرەتاوە دەسپەنەکەرۊوە، بەڵام پەیش نمەکریۊ، ئیتر خەڵکی پەنەش ماچان ئانە سەرو کڵافەکېش ۋڵاونان، زەحمەت پەیش مېزیۊوە.[1]
Dette produktet har blitt skrevet på et språk (هەورامی), klikk på ikonet
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dette produktet har blitt sett 296 ganger
Skriv din kommentar om dette elementet!