نامۍ: ئازاد
نازنام: هۆرامی
نامۊ تاتەی: عەبدولمەجید
ڕۊ پېڎابییەی: #31-12-1954#
ڕۊ مەرڎەی: #31-08-1988#
یاگۊ پېڎابییەی: #کەرکووک#
یاگۊ مەرڎەی: #قەندیل#
$ژیۋاینامە$
شەهید ئازاد هۆرامی، نامۍ تەمامەش ئازاد عەبدولمەجید غەففارەن، دلۍ بنەیانێوە نامڎاری، شوڕشگېڕی، دەسەڵاتداری هۆرامانینە ئامان دنیا، بنەیانەکەشان کە سوڵتانەکی هۆرامانینۍ، دۆرێ دیار و کاریگەرشان بېیەن دلۍ هۆرامانی و کوردەسانی و ناوچەکەینە.
ئازاد هۆرامی، دلۍ ستەمە چینایەتی و نەتەوەییەکانە ئاسۊ ویرکەرڎەیۆ و جەهانۋینیش فراوان بېیەن، پۆکەی هەر جە سەردەمو هەرزەکاریشەنە یۊ بېیەن جە فېروازە هۊرکۆتەکاو بە زوویی تېکەڵو کایە ڕامیاریی و کوردایەتیەکا بییەن.
ساڵەو (1975ز.) دمای زیڼانی کەرڎەی شەهید شیهاب و هامڕاکاش، ئەرکو ڕېکۋستەیۆ ڕیزەکانو (کۊمەڵه)یش گېرتەن گەردەن، ئی کۊششکارە چەنی شەهیڎ (ئارام) دۆرێ ئېژانەش دییەن پەی سەرداریکەرڎەی دلېمانەو ئا ڕېکۋزیایە.
ساڵەو (1978ز.) دلۍ کارەساتو هەکاریینە دیل کریان، ساڵەو (1979ز.) تاوانش وېش دەرباز بکەرۊن و پېوەڼیی بکەرۊوە بە ڕەفېقەکاشۆ.
ئازاد هۆرامی سەرکردە، ئەدەب دۊسێ شارەزاو موسیقارێ چەنەئاما بېیەن، دلۍ هونەرمەڼ و ئەدیب و شاعېرانە یاگێ دیارەش بیېنە.
دمای زاڵبییەی دەسەڵاتو داگیرکەری جە هۆرامان، سانەکۍ هۆرامانی زېدو وېشان جیائاستەن، ئاوارۍ پانیشتو کوردەسانی بیېنۍ، خانەواڎەو ئازاد هۆرامی جە شارو کەرکووکی نیشتەجایۍ بیېنۍ، ئەچاگە ئازاد هۆرامی دلۍ گەڕەکۆ ئیمام قاسمی ئامان دنیا، ساڵەو (1961ز.) لوانەنە وانگای سەرەتایی ئیمام قاسمی.
تاکو پۊلو ششەمی ئاماڎەییش جە شارو کەرکووکی وانان، بە مەڵامەتو کۊششی ڕامیاریوە نەتاوانش درېژە بە وانای بڎۊن.
ساڵەو (1972ز.) پېسە ئەندامێ دلۍ یۊبییەی قوتابېیا کوردەسانینە کارش کەرڎەن، هەر چا ساڵېنە پېوەڼیش بە ڕېکۋزیاکا کۊمەڵەی، کە ڕېکۋزیێوە مارکسی_لینینی بییەن کەرڎەن، ساڵەو (1974ز.) دلۍ شوڕشو ئەیلوولینە چەکو پېشمەرگەییش کەرڎەن شانە، ساڵەو (1976ز.) بییەن بە ئەندامو کۊمیتەو هەرېمەکا، یانی سەرکەردایەتی ئاوەختەو کۊمەڵەی.
تاریخو (08-07-1976ز.) سەرجەنۊ چەکو پېشمەرگەییش کەرڎەنۆ شان، دلۍ چەمو ڕېزانی یەرەم مەفرەزەی چەکداریش وەشکەردەن.
ساڵەو (1977ز.) پېسە ئەندامو سەرکەردایەتی یەکیەتی دیاری کریان، ساڵەو (1978ز.) پېسە ئەندامو کۊمیتەو میانی کۊمەڵەی هۊرچنیان.
ساڵەو (1979ز.) دلۍ زیڼانو پارتینە هۊرئامان، ساڵەو (1980ز.) پېسە وەرپەرسو لقو دۋۍ یەکیەتی دەسبەکاربېیەن، وەرپەرسو ناوچەکانو کەرکووکی و قەرەداخی.
ساڵەو (1981ز.) دلۍ یوەمین کۆنفرانسو کۊمەڵەینە جە (مالیمۆس) بە ئەندامو سەرکەردایەتی کۊمەڵەی هۊرچنیان، جە کۆنفرانسو دۋۍ و چوارینە، جە ساڵەکانو (1982ز.) و (1984ز.) دیسان بە ئەندامو ڕاوەبەری کۊمەڵەی هۊرچنیانۆ.
دماتەر پېسە وەرپەرسو میانی دەزگاو ڕۊشنۋیری کۊمەڵەی دەسبەکار بېیەن، چڼین باسۍ و چەنەکۊڵیێش دلۍ گۊڤارو کۊمەڵەینە تۊمارۍ کەردېنۍ.
ئازاد هۆرامی، جە تاریخو (26-02-1987ز.) چەنی خاتو (شنۆ شاسواری) هامسەرگیریش کەرڎەن، ساڵەو (1987ز.) پېسە وەرپەرسو مەڵبەڼو بادینانی دەسبەکاربېیەن، چەنی هېزەکەیش لوان پەی ناوچەو بادینانی.
تاریخو (31-08-1988ز.) جە دما قۊناغو ئەنفالینە شەهید کریان.
ئازاد هۆرامی، هامشانو کۊششی نەتەوەیی و چەکدارینە، کۊششی ڕۊشنۋیریش کەرڎەن، ئاڎ هەر پېسە ڕامیارێ، هەم ڕۊشنۋیرێ، هەم هونەرمەڼێ خزمەتش بە قەزیەو میللەتەکەیش کەرڎەن.
ئەسعەد ڕەشید.[1]