نامۍ: هومایۆن
نامۊ تاتەی: صاحب
نامۊ ئەڎێ: نافیعە
ڕۊ پېڎابېیەی: #1-7-1974#
یاگۊ پېڎابېیەی: #تەۋېڵۍ_هۆرامان#
$ژیۋاینامە$
هومایۆن صاحب کەریم حەمەسەعید، ساڵەو (1974ز) تەۋېڵۍ ئامان دنیاوە، ساڵەکاو (1981-1988ز) دلۍ شارو هەڵەبجەینە نیشتەجا بېیەن، قۊمیاکەو هەڵەبجەینە چەنی خانەواڎەکەیش ئاوارۍ ئێرانی بیېنۍ، ساڵەو (1991ز)یۆ تاکو ئیسە دلۍ هەڵەبجەینە مەژیوۊ، ساڵەو (1999ز) لوانەنە دلۍ ژیوای هامسەری، بەرهەمو هامسەرگیریەکەیچشا دوۍ کناچۍ و کوڕێن، خاوەنو بڕوانامەو دیبلومی بەشو کوردی پێمانگاو ماموسایا مەڵبەڼو سلېمانین کە ساڵەو (1994-1995ز) بە دەسش ئاوەردەن، ساڵەو (1997ز) یۊ پېسە ماموساو کوردی مەرزیانەرەو تاکو ئیسەیچ خزمەتکەردەینە بەردەوامەن جە ۋانگاو شەپۆلی بنەڕەتی هەڵەبجەی شەهیدی. هومایۆن صاحب هەر جە پۆلو یەرۍ میانیۆ کەڵکەڵەو ۋانایۆش کۆتەن سەرە، سەرەتا بە ۋانایۆ دیوانە شېعرەکاو شاعېرە کوردەکا دەسش پەنەکەردەن، دماتەریچ بە ۋانایۆ ڕومانە جەهانیەکا، ساڵەو (1989ز) یۊ خولیاو نویستەیش بیېنەو سەرەتا بە شېعرە دەسش پەنەکەردەن، ساڵەو (1992ز) یەکەم شېعرەش وەڵاکەردېنۆ، ئیتر چا وەختۆن خەریکو ئەدەبیات ئەشناسین، زیاتەریچ تاریخو ئەدەبی کوردی و ڕەخنەو چەنەکۊڵیایۆ جە شېعرۍ، دلۍ گۊڤارەکانو (هۆرامان، هەڵەبجە، هەژان، چاوی هەژان، کۊچ)ینە چەنەکۊڵیێکېش وەڵێ کەردېنێ، بەشداری دیارش دلۍ بۊنە ئەدەبی و سیمینار و ژڵېوە فەرهەنگیەکانە هەنو چا بارۆ چڼین دیڎارۍ و چەمپەنەکۆتېش دلۍ ڕادیۊ و تیڤیەکانە چەنی سازدریێنۍ، پەی ماوەو دوۍ ساڵا و نیمی ئاماڎەکارو بەرنامەو (جە هۆرامان) یۆ بېیەن، یەکەم بەرهەمش پېسە کتېبی دلۍ دیڎارو مەولەوینە ساڵەو (2010ز) جە سلېمانی بە نامۍ (شەریعەتو مەیلی) کە شەرحەو شېعرەکانو مەولەوین بە قەبارێ گۆرە وەڵا کەردەنۆ، ئینە گۆرەتەرین هەرمانەشەنەو پروژێوە تېر و تەسەلەن سەرو دنیاو شېعرەو مەولەوی، ئی کتېبە یەرۍ بەرگېن، کتېبێ تەرش بە نامۍ (هەڵەبجەی یار) چاپ و وەڵا کەردەنۆ. هومایۆن صاحب تاکو ئیسەیچ ئینا دلۍ دنیاو ئەدەبینە، ئاڎ بە وردی و بە نەرمی لوانەنە دلۍ دنیاو شېعرۍ کلاسیکیۍ، بە شەرم و ئەدەبۆ لوانەنە خزمەتو مەولەوی و صەیدی و بېسارانی و مەولانای، ڕۊخسەتش چەنە هۊرگېرتېنی پەی لواینە حزورو شېعرەکاشا، پەی دوەبارە شەرح کەردەیشان.
هومایۆن صاحب ئەچیلایچۆ سەرێش کېشتەن دلۍ تاریخ و وەڵینەو میللەتەکەیمان، میللەتو هۆرامانی، بە یاوانەو وېش جارێتەر تەفسیرێش پەی بنیاڎو هۆرامانی و تەحرو ژیوای هۆرامیەکاش وستەن ڕوە، خاس یاوانەنە کە هۆرامی میللەتێن خاوەنو تەمامو کەرەسەکاو میللەت بیەی.
ئەسعەد ڕەشید.[1]
Dette produktet har blitt skrevet på et språk (هەورامی), klikk på ikonet
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dette produktet har blitt sett 216 ganger
Skriv din kommentar om dette elementet!