قۊناغەو هەرزەکاریم
بەشۍ: یاڼزەهەمە
ژیوا و گوزەرانم جە سویدەنە:
حەر چا سەرو بەڼیچەنە خەبەرشا دانۍ پەنە کە کوڕە گۆرەو خاتو پیرۊزەی واڵېم، کاکە عەدالەت (18) ساڵە جە سنفو ششی عیلمیەنە بە نەوەشی فۆتش کەردەن. عەدالەت، کە نامەکېش پۆ ویشۆ بۍ، حەر بە زاڕوڵەیی فرەو جارا لەلەش بېنۍ، وەختېو تاتەش، قالە بەڵخەی پیشمەرگە بۍو لوێ جۆلەو دېر ئێوە. مەرگو ئاڎییچی پەی منی تەنیاو جە غەریبېیەنە پێ وېش مایۍ دڵتەنگیېوی فرەی بۍ.
دماتەریچ وەهارو (1988ز) و کیمییا وارانو هەڵەبجەیچ سەربارو گرچېوی، چوونکوم کامېرەکی ئێرانی و تورکیەی و ئۆروپای (کە ئێرانی عەمدەن، بە مەبەس دەعوەت کەردېبېنۍ پەی هەڵەبجەی، کە دەخالەت کەرا پێ خاتیمەو جەنگەکەیش چەنی عێراقی)، مستەقیم کلیپۍ کوشتارەکەی و لاشە شېویایاو مەرداو دلۍ بازارو هەڵەبجەی و دۆروبەرو عەنەبۍو هیجرەتو خەلکی، شەو و ڕۊ شاشەو تەلەفزیونەکاش گېرتەبۍ. من کەمتەرېو زیڼەکا ئەژناسېنېوە، مەردەکایچ تەشبی کە رېنۍ بە قۆم و کەسو کاری. ئینەش نەبەرد تەلەفونەکەو من بی بە بەدالە، ئانۍ ڕەمێبېنۍ پەی سلێمانی هەواڵو جەماعەتو ئوردوگاکاو ئێرانی پەرسېنۍ، وە بە عەکسیچۆ هینەکۍ ئێرانی هەواڵو جەماعەتو سلێمانیشا گەرەک بۍ.
هەرچڼە من گەرمەو زانکۆیەنە بېنۍ، مادەکېچ نامۆو زەحمەتی بی، فرەیچش نەزەری بۍو زوانەکەیچش سویدیوی زبرو ئینگلیزیوی گران. ئانەیچ ناوەشتەر، نەبېیەی قامووسی، مەینەتییوی فرەش وستەبېنۍ سەر. من ئەشیێ کەلیمەکېم کەردێ بە ئینگلیزی، وە جە ئینگلیزیچۆ کەردێمۆ بە فارسی، ئینجا ئا ئینگلیزیەو ئا فارسیەو ئاوەختەو منیچە. کارەساتو هەڵەبجەی و وە هیجرەتو قۆم و کەسوکاری، هەسکەرېنۍ کە ئەر حەر پێ سەفەریوویچ بیێ پەی ئێرانی، بە قەرزو دەرماڵەو تەلەبایەتی هیچم پەنە نەکریۍ. حەر پا واحیدا کە حەتا پاییزو (1989ز) تەمامنێبېنېم، زانکۆو لوندی بەشو . Research Policy Institute، (مەبەست جە تۊکاری) یەنە، هەرمانەم هورگېرتە کە پېسەو یاردیدەرو کتېبخانەی و موحەقیقاو ئاماڎەکاری و ڕېک وستەو کامپیەتەرا پەی تەلەبە بېیانیاو ماستەری و مەراقیب و چەمدارو ئیمتیحاناو هتد.
فاروق سان ئەحمەد.[1]
Dette produktet har blitt skrevet på et språk (هەورامی - Kurdish Hawrami), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 87 ganger
Skriv din kommentar om dette elementet!