وتەبێژی #حکومەتی هەرێمی کوردستان# ڕەتیکردەوە ئەوان داوایانکردبێت لە بازگەکانی ئێراقەوە ڕێگری لە مامۆستایان بکەن ڕوو لە شاری #بەغدا# بکەن و ڕایگەیاند، هەوڵی مامۆستایان هەوڵی ئێمەشە.
#پێشەوا هەورامانی# وتەبێژی حکومەتی هەرێم ئەمڕۆ سێشەممە ڕێکەوتی #28-11-2023# لەمیانى لێدوانێک ڕاشیگەیاند، هیچ هەوڵێک لەنێوان حکومەتی هەرێم و ئێراق نییە بۆ ڕێگری لە مامۆستایان، وە ئەگەر هەوڵێک هەبێت بۆ ڕێکەوتنی مووچەیە بۆ مامۆستایان و توێژەکانی تر نەک ڕێگریکردنیان، ئەگەر حکومەتی هەرێم ڕێگری بکردایە لە بازگەکانی خۆیەوە دەیکرد، چ پێویست بوو لە بازگەکانی ئێراقەوە بیکات.
وتەبێژى حکوومەتى هەرێم جەختیشیکردەوە، ڕوونە کە هەوڵی مامۆستایان هەوڵی ئێمەشە، ئێمەش هەمان بۆچوونمان هەیە، کە ماف و ئیمتیازاتی مووچە و مافی خەڵکی هەرێم لای حکومەتی ئێراقە.
ئەمە لەکاتێکدایە دوو ڕۆژ پێش ئێستا مامۆستایانى سنوورى #سلێمانى# بە نیازبوون خۆپیشاندانەکانیان بەرنە بەغدا و داواى مووچەکانیان لە حکوومەتى ئێراق بکەن، بەڵام لە #کەرکووک# ڕێگرییان لێکراو نەیانهێشت بچنە شارى بەغدا. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 265 ganger
Skriv din kommentar om dette elementet!