سکرتێری #یەکێتی ئافرەتانی کوردستان# وتی، پێش 71 ساڵ یەکێتیی ئافرەتانی کوردستان دامەزرا، کە بۆ خزمەتکردنی ئافرەت بووە و دەشڵێت: تێڕوانینی ئێمە لەبارەی مرۆڤ دۆستی و یەکسانییە، بۆیە ھەوڵ دەدەین ئافرەت شانبەشانی پیاو لە ھەموو بوارەکانی ژیاندا ڕۆڵی خۆی ھەبێت. ئاماژەشی دا: چاوەڕێ دەکرێت لە ماوەی 10 ڕۆژی داھاتوودا کۆنگرەی نۆیەم ئەنجام بدەین.
دکتۆرە #ڤیان سلێمان#، وتی: وەکوو یەکێتیی ئافرەتانی کوردستان ڕوانگەی ئێمە مرۆڤ دۆستانەیە و ھەر لە سەرەتای دامەزراندنی یەکێتیی ئافرەتانی کوردستان ڕوانگەی یەکسانییە و ئافرەت شانبەشانی پیاو لە ھەموو بوارەکانی ژیاندا ڕۆڵی خۆی ھەیە و پێویستە دەرفەتی یەکسانی بۆ پێگەیاندنی ئافرەت ھەبێت و یەکێتیی ئافرەتانی کوردستانیش ھەوڵ دەدات لە ھەموو ئاستێک و بوارێکدا لەناو کۆمەڵگەدا خاوەن قسەی خۆی بێت و ئافرەت تەنیا لە چوارچێوەیەک تەماشای نەکرێت وەکوو خێزانێک و بۆ چەند کارێکی تایبەت، ئافرەت یەکەم ئەرکی پیرۆزی دایکایەتییە و یەکەم مامۆستای فێرکاریی ژیانە، بۆیە یەکێتیی ئافرەتان ھەوڵ دەدات لەلایەنی پەروەردە و ھۆشیارییەوە، ئافرەت لە ئاستێکی بەرزدا بێت.
دکتۆرە ڤیان وتیشی: یەکێتیی ئافرەتانی کوردستان ھەمیشە ھەوڵ دەدات بۆ پێگەیاندنی ئافرەت و ھۆشیارکردنەوە و پەروەردەکردنی ئافرەت لەناو کۆمەڵگەدا، یەکێتیی ئافرەتان بۆ پشتگیری لە ئافرەت دامەزراوە و ھەر کۆنگرەیەک دەکرێت بۆ نوێکردنەوەی ڕۆحی ئافرەتە، کە ئێستا بەرەو کۆنگرەی نۆیەم دەچین، بۆیە ئێمە ڕێکخراوێکین بۆ خزمەتی نەک تەنیا ئافرەت، بگرە پیاوانیش، کە ھەردوو ڕەگەز تەواوکەری یەکترن و پێویستە خزمەتی کۆمەڵگە بکەین بۆ ئەوەی زیاتر پێشی بخەین و بە چاوی ڕەخنەش تەماشای خۆمان دەکەین و کارەکانی خۆمان ھەڵدەسەنگێنین، ڕەنگە زۆر جار ڕەخنەش لە خۆمان بگرین، گرنگ ئەو ستراتیژیەتەی ئێمە کاری لەسەر دەکەین، درووست و لە جێگەی خۆیەتی لەناو کۆمەڵگەدا.
ناوبراو ڕوونیشی کردەوە: ھەموو ئامادەکارییەکمان بۆ کۆنگرەی نۆیەمی یەکێتیی ئافرەتانی کوردستان کردووە و ئامادەکارییەکان تەواو بوونە، بۆیە چاوەڕێ دەکرێت لە ماوەی 10 ڕۆژی داھاتوودا کۆنگرە ئەنجام بدەین. [1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 236 ganger
Skriv din kommentar om dette elementet!