نامۍ: خورشید
نازنام: داواشی
نامۊ تاتەی: موحەمەد
ساڵۊ پېڎابېیەی: 1902 زاینی
ساڵۊ مەرڎەی: 1966 زاینی
یاگۊ پېڎابېیەی: #ڕوانسەر#
یاگۊ مەرڎەی: #ڕوانسەر #

ژیۋاینامە
ئی شاعېرېما نامېش خورشید کناچۍ موحەمەد داواشینە، دلۍ شارو ڕوانسەرینە پېڎا بیېنەو هەر ئەچاگەیچ یاوێنە پەنە. جە تەمەنو زاروڵەییشەنە پاڵو تاتەیشەنە ۋانانش و فېرەو نویستەی بیېنە، دماتەریچ لاو چن مامۊسێوە فېرەو واچە فارسی و عەرەبېیا بیېنە. وەختێچ مېردش کەردەن هەر خەریکەو ۋانایۆ دیوانو شاعېرە نامڎارە کورد و فارسەکا بیېنە. خورشیدە خانمە پاڵو وێکەردەی زاروڵەکاشەنەو هەرمان و کارو دلۍ یانەینە خەریکەو ۋانایۆ و نویستەی شېعرا بیېنە، هەرچن سەرەتاوە نەیارانش شېعرەکاش بەرۋزۊن، بەڵام دماتەر وەختێ کەس و کارەکەیش زانانشان خانمێ بەهرەدارەنە شېعرەکېشا وستېنۍ سارا. دماجار ساڵەو (1966 ز)ینە تەمەنو (64) ساڵینە کۊچی دمایینش کەردەن، دلۍ دەگاو (ساڎق ئاوا)ینە جە ڕوانسەر ئەسپەردە کریێنە.
نمونێوە جە شیعرەکاش
یە خورشید واتەن
یە خورشید واتەن دایېم غەمینەن
غەمین دووری، صەفائودینەن
یا خوڎڎا مەرگی نەوێنم وە چاو
نەیژنەفم وە گۊش، نەیوێنم وە خاو
سەروەکەی باڵای هەر بەهاری وېت
سەروی چەمەنان، شەرمساری وېت
جە دواڼزەمانگە لێی واری واران
خەزان نەکەرۊ، چوون باقی داران
جا دار عەزیز پیر ئیرشادبۊ
وەکیل زیندەی، غەوس بەغدا بۊ
ناڵەی مەستانەی تەکیەش هەر بەرز بۊ
پەناگای دەروېش، ئەبداڵ مەرز بۊ
مەیخانەی مەعنیش هەر بەرقەرار بۊ
با خەبەر جە ئەمر، لەیل و نەهار بۊ
جەلای سینەی سەرد گونا واران بۊ
ئوستاد سەرمەست، ڕۊزگاران بۊ
زنجیر لوتفش نیان بە گەردەن
ئەهلی و ڕامم کەرد، تاوەڕۆی مەردەن
بەڵکەم جە ئەڵطاف وېنەی ئەوشایێ
ڕابعەی دەوران، گوم کەرد دەرایێ
بگنۆ وەسەر ڕای طاعەت کاری دا
بەر بێو جە حوکم، سەنگساری دا
بواچۆ سەرمەست بادەی شاکریم
کە لب ئاسانەی، عەبدولقادریم.
ئەسعەد ڕەشید.[1]

.