ئامادەکاری تیمی تۆپی پێی لاوانی #یانەی وەرزشی پێشمەرگەی سلێمانی# بە شێوەیەکی چڕ لەژێر سەرپەرشتی #سۆران سەلیم# ی ڕاهێنەری نوێ دەستی پێ کردوو و لەو چوارچێوەیەشدا و بە یارییەکی دۆستانە تیمی لاوە پێشمەرگەکان ڕوویانکردە شارۆچکەی #پیرەمەگرون# و بوونە میوانی یانەی ئەو شارۆچکەیە.
لەو یاریەدا یاریزانانی لاوانی پێشمەرگە توانیان بە ئاستێکی بەرز ببینرێن و بە ئەنجامی (2 -1) گۆڵ سەرکەوتنیان بەدەست هێنا.
سەبارەت بەو سەرکەوتنەیان و ئامادەکاری تیمەکەیان (سۆران سەلیمی) ڕاهێنەر تایبەت بە پێشمەرگە سپۆرت وتی ، کاتێکی کەممان ماوە بۆ دەست پێکی خولی لاوان و هەر بۆیە دوای سەرکەوتنی چەندین یاریزانی بە ئاست لە ڕیزی تازەپێگەیشتووان بۆ ئاستی لاوان توانیمان پێکهاتەیەکی نموونەیی و بەهێز بوونیاد بنێین و خۆشبەختانەش لە یەکەم تاقیکردنەوەمان وەک یاری دۆستانە سەرکەوتوو بووین.
سۆران ئاماژەی بەوەشکرد کە لەم یارییەدا لە خولەکی 60 وەک هەمیشە یاریزان (سامی سەعید) گۆڵی یەکەم و پێشکەوتنی تۆمار کردووە و لە خولەکی 75 ی یارییەکەش (هێدی سۆران) گۆڵی دووەمی یەکلاکردووەتەوە بۆ تیمەکەیان.
جێگەی وەبیرهێنانەوەیە بڕیارە لە ڕێکەوتی #16-02-2024# یارییەکانی خولی لاوانی یانەکانی ئێراق بە بەشداری تیمەکانی نایاب و پیشەگەران دەست پێبکات و هەرچی لەو خولەدا پێشمەرگەکان یەکێک دەبن لە تیمە بەهێز و کاریگەرەکان.
[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 171 ganger
Skriv din kommentar om dette elementet!