کورد دلۍ چەرخەکا تاریخینە
بەشۍ: پەنجا و دوەمە
نویستەی: #هاوڕێ باخەوان#

ساڵەو (420 ز): ئەچی ساڵېنە سەلجووقییەکۍ کوردەسانشان داگیر کەردەن.
ساڵەو (422 ز): ئەچی ساڵېنە کە سەردەمو بەهرامی پەنجەمی بېیەن، پەی جارێ تەری کوردەسان بېیەنۆ مێڎانو جەنگو میانو فارس و ڕۆمەکا.
ساڵەو (431 ز): ئەچی ساڵېنە ئەنجومەنو ئەفسوس- سنودسی قەرارو دوور ۋستەیۆ نەستۆرسی سەردارو کوردە نەستورییەکاش دا پەی (بەترا)ی و دماتەر پەی (ئەنتاکیە) و لوبنانی.
ساڵەو (485 ز): دلۍ تۊمارە دمامەڼەکانە (مارسبا) نامۍ کوردەکاش بە وېپەرەس بەردېنە.
ساڵەو (490 ز): مەزدەکی کە پیێوە بە نامبانگو ئایینو زەردەشتی بېیەن، ڕاشیاونانو واتەنش کە من کیانەرو خوڎاینا (پېخامئاوەر)، ئامانا پەی ئانەی سۆسیالیستی بۍ سنوور سەرو زەمینیۆ وەڵا بکەروە.
ساڵەو (502 ز): ئەچی ساڵېنە هەمدیس جەنگێ گۆرە میانو ڕۆمەکان و ئێرانییەکانە قومیا، ئا جەنگە بېیەن بە هۊکارو ئانەی کە کوردەسان و دیاربەکر بگنا دەسو ئێرانییەکا، دیسان بەرهەمو ئا جەنگەیە ڕاگوزەرکەردەی بڕێ جە خەڵکو کوردەسانی بۍ پەی خوزستانی.
ساڵەو (562 ز): ئەچی ساڵېنە پاشاو ساسانی خەسرەوی یەکەم – نەوشیروان، هېرشش کەردەن سەرو هەرېمو (لازیکا)ی دلۍ خاکو کوردەسانیرە.
ئەسعەد ڕەشید.[1]