باران
1
تا هەنووکە؛
چۆلەکەیەک
قەلەباچکەیەک
ڕێشۆڵەیەک
شمقارێکی دڵتەنگم نەدیووە
کەچی شەقام لێوان لێوە لە مرۆڤی دڵتەنگ
2
هەتا ئێستا
ماینێک
مانگایەک
مەڕێک
کارمامزێکم،
بە جلی ڕەشەوە نەدیوە
لێ شەقام
تژییە لە مرۆڤی ڕەشپۆش
3
تا ئەو چرکەیە
بەچاوی بۆقێک،
کیسەڵێک،
ماسییەک،
قڕژاڵێکەوە؛
دڵۆپێک فرمێسکم نەدیوە.
بەڵام چاوی مرۆڤەکانی سەرشەقام،
تژین لە فرمێسکی خوێنین
4
تا ئیستاکێ
لەبەردەم ماڵی
کانییەک
ڕوبارێک
کولوە بەفرێک
دلۆپێک باران؛
خیوەتێکی پرسەم نەدیتووە.
کەچی لەبەردەمی ماڵی هەموو مرۆڤێکدا
ڕەشماڵێک
4
خودایە بمانکە بە؛
چۆلەکە
قەلەباچکە
ڕیشۆڵە
شمقاڕ
بە؛
ماین
مانگا
مەڕ
کارمامز
بە؛
بۆق
کیسەڵ
ماسی
قرژاڵ
تکایە بمانکە بە؛
کانی
ڕووبار
بەفر
باران
هۆزانەوان: #قوبادی جەلیزادە# [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 120 ganger
Skriv din kommentar om dette elementet!