شنۆ
شاری شنۆ بورجی بەرزە
قەڵای پۆڵایینی مەرزە
ئەو کێوانەی دەورەی داوە
حەسارە و بۆ دوژمن داوە
ڕووکاری ئەم دیو ئەو دیوی
زەرد و ماە و دۆڵ و شیوی
بانوو بانوو ئەم بەر ئەوبەر
ئەسکەندەر لێی گرتوون سەنگەر
نێوبانگ و نێوی سمکۆیە
گەیبۆ پاریس و مسکۆیە
میر و مەزنی لێ میوانە
مەنزڵگەی شێخی بارزانە
ئەوانەی قوتبی عیرفانن
«عبدالعزیز» و «سوڵتانن»
«ئەحمەد» کۆری بینا دڵ بوو
لە باغی عیرفان دا گوڵ بوو
«عەلی» زەرفی عیلمی سەرفە
عالەم لەو ڕا بردی سەرفە
بۆ کەس نەی پرسی لەو ناوە
شیعری «ئەمین» لای کێ ماوە؟
خاکی پاکی بەهرە و خێرە
«شام» وێنەی هەڵگیرا لێرە
چۆمی «گادەر» حەوت و هەشتن
دەشتی گشتی وەک بەهەشتن
یەک دوو ڕووبار و جۆباری
جیران بۆی ناردی بە دیاری
باغی دین لەو دەشت و کێوە
ڕووسووری و سەربەرزی پێوە
شنۆ! پیری بەڵام شادی!
نۆسەد ساڵی پێش میلادی
ئەگەر دەشڵێی شاهید بێنە
بەردی «کێلەشین» وەخوێنە
سەچاوە: #دیوانی حەقیقی#
هۆزانەوان: عەباسی #حەقیقی# [1] [2]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 135 ganger
Skriv din kommentar om dette elementet!