ئەمڕۆ چوارشەممە، #07-02-2024#، #مەسرور بارزانی#، سەرۆکى #حکومەتی هەرێمى کوردستان#، پێشوازى لە یاشار گولەر، وەزیری بەرگریى تورکیا و شاندێکی یاوەری کرد.
بە گوێرەی ڕاگەیەنراوی حکوومەتی هەرێمی کوردستان، لە کۆبوونەوەکە دا گفتوگۆ لەبارەی بارودۆخی گشتیی ئێراق و پەرەپێدانی پەیوەندیى دوولایەنە کرا. جەخت لە گرنگیی بەردەوامبوونی هەماهەنگی و هاریکاریی هاوبەش لەپێناو ئاساییش و ئارامیی هەرێمی کوردستان و ئێراق و ناوچەکە کرا.
لە ڕاگەیەنراوەکەدا هاتووە: وەزیری بەرگری تورکیا، پرسە و هاوخەمی بۆ گیانلەدەستدانی قوربانییانی هێرشەکەی #هەولێر# دەربڕی و ئاماژەی بەوە دا کە هێرشەکە هیچ پاساوێک هەڵناگرێت.
مەسروور بارزانی، وەکوو ئەوەی لە ڕاگەیەنراوەکەدا هاتووە، خواستی هەرێمی کوردستانی بۆ برەودان بە پەیوەندیی دوولایەنە لەسەر بنەمای دراوسێتیی باش و بەرژەوەندیى هاوبەش دووپات کردەوە. وتیشی، هەرێمی کوردستان وەک هەمیشە فاکتەرێکی ئاساییش و سەقامگیری دەبێت و ڕێگەش نادات ببێتە مایەی هەڕەشە و مەترسی بۆ دراوسێکانمان.
گرنگیی جێبەجێکردنی ڕێککەوتننامەی #شەنگال# و ئاساییکردنەوەی دۆخی دەڤەرەکە و گەڕانەوەی ئاوارەکان بۆ شوێنەکانیان، تەوەرێکی دیکەی گفتوگۆکان بوو. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 123 ganger
Skriv din kommentar om dette elementet!