ئەڤ کومەڵگەهە دکەڤیتە باشوورێ ڕوژئاڤایێ باژێڕۆکێ #شنگال#ێ و ئاکنجیێن ڤی گوندی هەموو ئێزدینە. هەرهۆسا چەندین جهێن پیرۆزێ ئاینێ ئێزدیان دکەڤنە کومەڵگەها سيبا شێخ خدر و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها سیبا شێخ خدر لدیف ئامارێن بەری هاتنا داعشێ ژبۆ شنگال ل ساڵا 2010 نێزیکی ( 16،000) شازدە هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها سیبا شێخ خدر هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەری باژێڕێن #دهۆک# و #زاخۆ# و #سلێمانی# بوینە و کۆچکرینە بۆ وەڵاتێن ئەوروپی. (358) سێ سەد و پێنجی و هەشت کەس ژ کومەڵگەها سیبا شێخ خدر بووینە قوربانی دەستێ داعشێ، کۆمەڵا وان کەسێن بوینە قوربانیێ دەولەتا ئیسلامی 213 زەڵام بوون 145 ژن بوون، 123 زەڵام و 25 ژن هاتن ئەنفالکرن، 39 زەڵام و 42 ژن هاتن بێسەر و شوێن کرن، 51 زەڵام و 78 ژن هاتن ڕزگار کرن ژ دەستێ دەولەتا ئیسلامی ب ناڤێ داعش، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها سیبا شێخ خدر گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 442 ganger
Skriv din kommentar om dette elementet!