$کومەڵگەها گوهبەل$
ئەڤ کومەڵگەهە دکەڤیتە باکوورێ باژێڕۆکێ #شنگال# و ئاکنجیێن ڤێ کومەڵگەهێ هەموو ئێزدینە. چەندین جهێن پیرۆزێ ئاینێ ئێزدیان دکەڤنە کومەڵگەها گوهبەل و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها گوهبەل لدیف ئامارێن بەری هاتنا داعشێ بۆ شنگال ل ساڵا 2010 نێزیکی ( 11،000) یازدە هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها گوهبەل هاتن کوشتن و بێسەر و شوین کرن و ئەنفالکرن، گەلەک خێزان ئاوەری باژێڕێن #دهۆک# و #زاخۆ# و #سلێمانی# بوینە و هەروەسا کۆچکرینە بۆ وەڵاتێن ئەوروپی. (127) سەد و بیست و حەفت کەس ژ کومەڵگەها گوهبەل بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ داعشێ 69 زەلام بوون و 58 ژن بوون، 11 زەلام و 1 ژن هاتن ئەنفالکرن، 30 زەلام و 2 ژن هاتە بێسەر و شوێن کرن، 28 زەلام و 55 ژن هاتن ڕزگار کرن، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها گوهبەل گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 151 ganger
Skriv din kommentar om dette elementet!