پېشکەش پا ئەڎایا کۊرپەکېشا سۊتۍ
شار بۍ دەنگا، ژیوای ئینا دلۍ ڕەنجیەنە و هەناسە گېڵای گېڵۆ شۆنەو پڕزۆڵێو هەوایەرە. ئەشق پڵۆزیانەرە و ئاسمان بوەو ساوێ مڎۆ. هۆرێ چەرمێ بە بی گرمنای مریچڵێ وارانارە وار و کاوەتری باڵێشا سۆتێنێ. سەماو گۆراڵا بیېنە بە شیوەن و گیواو دلۍ دووکەڵوو خەمیەنە بېیەن بە قەقنەس. وەیوڵەباڵێ دەسو کناچڵاوە مرکیێنېرە و خوەشا نەمەنەن. باوشێ تاسەی هازیشا چەنە بڕیێنە و لاشەی نیمە گېیانوو زارۆڵە ساوایا هۊر مەگېرا. هاوار جە گڵویەنە پەنگېیان و شار بۍ دەنگ بېیەن. سرمەو چەما دلۍ دیمەنوو تازە وەیوانە ئامانەرە وار و سەرو کوڵمە زەردەکاشاوە نەخشش بەسەن. دنیا تاریکیانەرە و چەمۍ دلۍ دیدیەنە دەوارێ سیاوېشا هۊر دێنێ. سۆتێ.
ڕەزا بەهمەنی.[1]
Dette produktet har blitt skrevet på et språk (هەورامی), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dette produktet har blitt sett 80 ganger
Skriv din kommentar om dette elementet!