قەقنەس
تاریکە و شەوەزەنگ
گەلە گورگ
دەورەیان لێداوم
چرایەک ناسووتێ،
چرای دڵی خۆم نەبێ.
ڕوون ناکات ترووسکەیەک
ڕێگەی بەر هەنگاوم!
سەگ وەڕە و لوورەی گورگ
کەوتوومە نێو بۆسەی چەند جەردەی پەتیاوە!
یەکێ لەو بنارە
یەکێکیان لەم گردە
یەکێ تر لەو دۆڵە
یەکێ لەم کەنارە!
چرایەک ناسووتێ
باش ڕێگا نابینم
پەروانەی بێ ئوقرەم
چەواشەی ئەوینم
گەلە گورگ
خێڵی سەگ
ڕێگەیان تەنیوم
دانیشم بە هیوای کام ناکەس
هەڵدەستم
خۆم ئەکەم بە ئاگر
مەرگ ئەکەم بە گەرای ژینی نوێ
وەک قەقنەس
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 84 ganger
Skriv din kommentar om dette elementet!