هۊرچنیەی
نویستەی: #ئیبراهیم میکە عەلی#
ڕازێوە شۊخی ئامێزە جە ئەدەبی ڕوسیۆ
پەرساشا ئەو کەسێ بەتەمەنی ڕووسیی، چی یەرێ جارێ حکومەتی وستی زیندان؟
پەیواچشانە واتش: سەردەمو جوانیمەنە هەکە پەیوەس بېیا حزبیۆ، جارێو چەنیو وەرپەرسە حزبېیەکەیم بېنې، خجڵبێ باسو وېیەردەو حزبی و بنەما حزبېیەکام پەی باسکەرې، کاتێ یاوایمێ وەرانوەرو باڵەخانەو کرملینی واتش: مزانی دیوارو حەوش و حەسارەکا کرملینی فرە بەرزا؟
منیچ پەرسام: چی ئاڼە بەرزشا کەرڎەنۆ؟
واتش: ۋەرو ئانەیە هەر و گاو نەپڕا ملشەرە.
منیچ پەرسام: دیمو بەریۆ نەپڕا ملشەرە یام دیمو دلېوە؟
سەرو ئا قسێ گېرتاشا و وستاشا زیڼان، هەتا ستالین نەمەرد وەرشا نەدانێ.
کاتێ وەربېیا دڵوەشبېنې و ڕەسمێوە ستالینیم لاو ڕەسمەکەو خرۆشۆفینە نیارە.
وەرپەرسە حزبېیەکەم ڕەسمەکېش دیێ و پەرساش: تا ئیسەیچ هەر ڕەسمو ئا هەریە منیەیرە؟ (مەبەستش ستالین بې).
منیچ پەرسام: کامیشا ماچی؟
سەرو ئا پەرسېچە دیسانۆ گېرتاشاوە و وستاشاوە زیندان، وەرشا نەدانێ تا خرۆشۆف مەرد.
ئاخرجار ڕوێوە چەنی ئەنداما بنەیانەکەیم خجڵێ کەیف و وەشی و شاڎی بېنمێ بۊنەو یادو پێدابېیەی یۊ جە نەوەکامۆ.
وەرپەرسە حزبېیەکەم پەیوەندیش پۆوە کەردا و واتش: چی دما گلېرۊبېیەی حزبینە ئامادە نەبېیەنی؟
منیچ واتم: ئەر زانابېیێم دما گلېرۊبېیەی حزبین، وېم و گرڎو ئەنداما بنەیانەکەیمۆ ئێنمێ چاگە پێوە وەشی و شادی کەرېنمێ.
سەرو ئا قسێچە پەی یەرەمجاری گېرتاشا.
وێنەکەیچ تەعبیرا جە واقعو هورچنیەی و هەڵبژاردنی چی ناوچەو ئېمەنە.[1]