تیمی شەتڕەنجی یانەی پێشمەرگە خاوەن دەیان نازناوی پاڵەوانێتییەکانی کوردستان و ئێراق، دووبارە توانی سەرکەوتنەکانی لە کۆبوونەوەی یەکەمی خولی نایابی شەتڕەنجی یانەکانی ئێراق درێژە پێبدات و لەو چوارچێوەیەشدا و لە سێیەم یاری خۆی ڕووبەڕووی یانەی (الفکر) بوونەوە.
یارییەکە ئێوارەی ڕۆژی پێنجشەممە #15-02-2024# و لەنێو هۆڵی هۆتێل ئەنتەر لە #بەغدا#ی شارە گەورەی پایتەختی ئێراق بەڕێوەچوو تێیدا و دوایی پیشان دانی ئاستێکی بەرز یاریزانانی کوڕان و کچانی پێشمەرگە توانیان بە ئەنجامی (4-2) سەرکەوتن بەدەست بهێنن و بەو ئەنجامەش بوونە خاوەن سێیەم سەرکەوتنی یەک لە دوایی یەک لە ماوەی دوو ڕۆژی یارییەکانیاندا.
سەبارەت بەو سەرکەوتنانەیان #ئەسعەد ئیسماعیل# سەرپەرشتیاری گشتی تیمی شەتڕەنجی یانەی پێشمەرگە بۆ پێشمەرگە سپۆرت وتی، تیمەکەمان لە لوتکەی سەرکەوتنەکانێتی و دەمانەوێت بیرمەندانە یاری بە یاری پلانەکان سەرکەوتن پێبهێنین، ناوبراو ئاماژەی بەوەشکرد کە لە ماوەی دوو ڕۆژی یاریەکانیان توانیویانە 3 سەرکەوتنی یەک لە دوای یەک لە تیمە ڕکابەرەکانیان ببەنەوە.
جێگەی باسە خولی نایابی شەتڕەنجی یانەکانی ئێراق بە بەشداری 14 یانە و بە دوو کۆبوونەوە یاریەکانی ئەنجام دەدرێت.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 186 ganger
Skriv din kommentar om dette elementet!