یاریگەی فەرماندەیی تایبەت بە #یانەی وەرزشی پێشمەرگەی سلێمانی# ڕکابەرییەکی بەهێزی لە خولی لاوانی تۆپی پێی پیشەگەرانی یانەکانی ئێراقی لە خۆگرت و تێیدا و لاوانی پێشمەرگە میوانداریان لە لاوانی یانەی گازی باکوور کرد.
یارییەکە لە کاتژمێر 3:00 ی پاش نیوەڕۆی ڕۆژی شەممە #06-04-2024# بەڕێوەچوو هەر لە سەرەتاوە ئاست بەرزی لاوە پێشمەرگە بەدی کرا و لە خولەکی 5ی نیوەی یەکەمدا (بادینان ئەحمەد)ی یاریزانی لاوی تیمەکەی یانەی پێشمەرگە گۆڵی یەکەم و پێشکەوتنی تۆمار کرد.
ئەمە و لە پاش ئەو گۆڵە و لە خولەکەکانی 7 و 21 یانەی گازی باکوور لە ڕێگەی هەردوو یاریزانی، (مستەفا عودەی و خەڵەف ئەحمەد)ەوە توانی دوو گۆڵ تۆمار بکات، هەروەک پێشمەرگەکان لە پاش 20 خولەک و لە خولەکی 41 گۆڵی دووەمی خۆیان و یەکسان کردنەوەیان لە ڕێگەی یاریزان، (بەهێز یوسف)ەوە کردوو پاشان و لە خولەکی کۆتایی نیوەی یەکەمدا، (مستەفا عودەی)، یاریزانی لاوی پێشمەرگە بە لێدانی سزا گۆڵی سێیەم و پێشکەوتنی تۆمار کردوو ئەنجام بە 3-2 گۆڵ لە نیوەی یەکەمدا لە بەرژەوەندی پێشمەرگە سەوز پۆشەکان کۆتایی هات.
=KTML_Bold=نیوەی دووەم=KTML_End=:
لەگەڵ چونەوە نێو یاریگەی یاریزانانی هەردوو تیم و لێدانی فیکەی دەستپێکی یاری و لە دوای 4 خولەکی نیوەی دووەمدا، (#ڕابەر جەمال#)، یاریزانی پێشمەرگە دووبارە توانی بە لێدانی سزا گۆڵی چوارەمی تیپی تۆپی پێی یانەکەی، یانەی وەرزشی پێشمەرگە یەکلا بکاتەوە و پاشان و لە خولەکی 68، (مستەفا عودەی) لاوە پێشمەرگە دووەم گۆڵی خۆی و پێنجەمین گۆڵی بۆ تیمەکەی تۆمار کرد و ئەنجامی کۆتایش بە 5 -2 گۆڵ لەبەرژەوەندی لاوە پێشمەرگەکان کۆتایی هات و 3 خاڵی گرنگی جەولەی حەوتەمیان مسۆگەر کرد و کۆی خاڵەکانیان بۆ 13 خاڵ بەرز کردەوە.[1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 15 ganger
Skriv din kommentar om dette elementet!