کۆنە هەوارە
کۆنە هەوار: ئەو جێگە و شوێنەیە کە ساڵانی پێشووتر هەواری لێ هەڵدراوە، بەئاڵوگۆڕی ئاوەڵناو و شوێنەکە دوو گوندی خنجیلانە لە باشووری کوردستان ئەو ناوەیان هەڵگرتووە، چونکە هەردوو گوند دەکرێت کۆنە هەوار بوون و دواتر بوون بە (هەوارە کۆن)، وەکوو گوندی هەوارە کۆن لە ناوچەی (هاوار)ی شارەدێی #بیارە#ی شاری #هەڵەبجه#، کە نزیکە لە گوندەکانی گریانە و دەرەتوێ و سنووری شێخانی ڕۆژهەڵاتی کوردستان، هەر لە شارۆچکەی #ڕواندز#ێ گوندێکی تر هەمان ناوی هەوارە کۆنی لێیە، کە هەردوو ناوچەکە بە بەراوردی ناوچەکانی تری باشووری کوردستان کوێستانن، دەکرێت هەوارگە و هاوینەهەوار و نوار بووبوون بۆ کۆچەرییان بۆیە ئەو ناوەیان لێنراوە، کۆنە هەوار بووە بە ئیدیۆم و ئەگەر کەسێک لە کۆندا دڵی بەکچی ماڵێکەوە بووایە و لەگەڵ کیژەکە دڵیان بە یەکەوە بووایە و یەکتریان خۆش بویستبووایه، بەڵام بەهۆی هەر هۆکارێکی کۆمەڵایەتییەوە یان بارودۆخی ژیانەوە لەیەکتری دوور بکەوتبوونایەوە و بۆ یەکتری نەبووبوون، پاش ساڵانێک ئەو ماڵ و شوێنەیان بدیتبوایەوە بە گاڵتەیەکی حەسرەتاوییەوە دەوترا: کۆنە هەوارە.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 40 ganger
Skriv din kommentar om dette elementet!