بەفرێ شوباتێ، وەکی تڕی پیرە فاتێ
بە شێوازی تریش دەوترێت فڵانە شت لە تڕی سەی-سەگ چوو، لە مانگی شوبات بەتایبەت لە نیوەی ئەو مانگە بەدواوە لە باشووری کوردستان پلەکانی گەرما بەرز دەبنەوە و گژوگیا مۆڵەت دەدرێن و تاڕادەیەک تەزووی زستان دەشکێت و جاڵجاڵۆکە لە هەندێک شوێن دەست دەکات بە درووستکردنی تەونی خۆی بەسەر ڕووەکدا و دەغلودان باڵا دەکات، جوتیارەکان بەو دۆخە دەڵێن: خەلە و دەغلودان ئیزن-مۆڵەت دراوە، ئینجا ئەگەر بەفریش ببارێت زۆر خۆی ناگرێت و دەتوێتەوە، لە بەرانبەریش تڕی پوورە فاتێ خراوەتەڕوو، ئەگەر شتێکیش تێ بچۆلێنرێت و ون بکرێت و دیار نەخرێت دەوترێت: بووە تڕی ناو ڕانک، تڕی پیرە فاتێش زوو تێ دەچۆلێت و بۆنی گەنیوو و دەنگەکەی نامێنێت و هیچ بایەخێکی نییە و شوێنی هیچ ناگرێتەوە، بۆیە بۆ بەفربارینی مانگی دوو شوباتێ کوردەواری وتویەتی: بەفرێ شوباتێ، وەکی تڕی پیرە فاتێ.[1]
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3 ganger