کورد دلۍ چەرخەکا تاریخینە
بەشۍ: یەرەسەڎ و ویس و دوەمە
نویستەی: هاوڕێ باخەوان
ساڵەو (1925ز.)
* تاریخو (#15-02-1925#ز.) دایوەنێ چەکداری میانو ژەندرمەی تورکی و چەکدارەکۍ شېخ سەعیدی پیرانی دلۍ دەگاو پیرانی ڕوەشدا، کە بی بە باییسو کوشیای دۋۍ تورکا.
* تاریخو (#22-02-1925#ز.) چن زامڎارێ تورکیشا ئاردێ پەی دیاربەکری کە چەنی موریدەکانو شېخ سەعیدی پیرانی دابېشا یۊی.
* تاریخو (#24-02-1925#ز.) بە هۊ دایوەنەی چەکداری میانو تورکی و چەکدارەکا شېخ سەعیدی، تورکەکۍ جەمیل پاشا زادە ئەکرەم و دکتور فوئادشا زیڼانی کەردۍ.
* تاریخو (#24-02-1925#ز.) شارو ئەڵازغی ڕزگار کریا.
* تاریخو (#24-02-1925#ز.) داگیرکەری تورک بڕیارو حوکمی عورفیش جە کوردەسان بەرکەرد.
* تاریخو (#25-02-1925#ز.) ئەنجومەنی گرڎینەو پارلەمانو تورکی بڕیارێ تاییبەتش بە ژمارە (556) پەی سزادای شېخ سەعیدی و شۆڕشگېڕەکا بەرکەرد.
* تاریخو (#26-02-1925#ز.) پېشمەرگەکۍ شېخ سەعیدی شارو (خارپوت)یشا ڕزگار کەرد.
* تاریخو (#26-02-1925#ز.) گلېربییەیۆ پارلەمانو تورکی، دمای خېزیاو شېخ سەعیدی، کیانیاو شارو ئەرزەڕۆمی ئانەش یاونا کە لاڎیدەکۍ دەسشان جە ئی هۊرخېزیایە هەنە.
* مانگەو (03) ئی ساڵېنە، هوروژمەو داگیرکەری تورکی پەی سەرو شۆڕشو شېخ سەعیدی پیرانی جە سەرنیشت کریان.
* تاریخو (#01-03-1925#ز.) کۊششکارێ کورڎی سەر بە شېخ سەعیدی پیرانی، بە دەسو تورکەکا گېریا.
* تاریخو (#03-03-1925#ز.) بە کاریگەری شۆڕشکەو شېخ سەعیدی پیرانی، کابینەو حکومەتو تورکیای هۊروەشیاوە و کابینێ تەرەی فاشیست تەرە ئاما مێڎان، یام مەرزیارە.
* تاریخو (#04-03-1925#ز.) تاکو (#07-03-1925#ز.) هېرشو پېشمەرگەکانو شېخ سەعیدی پەی سەرو شارو دیاربەکری، بەڵام ئەچا هېرشېنە سەرکۆتۍ نەبییۍ و شارەکەشان پەی ڕزگار نەکریاو زەرەرێ فرە یاوا بە هەردویشا.[1]