$باکووری کوردستان$
- شاندی #هەدەپە# وبنەماڵەی پارلمانتاری پێشووی هەدەپە #ئیبراهیم ئایهان# دوای ئەوەی کە دوێنێ تەرمەکەیان لە #هەولێر# وەرگرتەوە وهێنایان بۆ سڵۆپی، دوای ئەوەی کە بەشی پزیشکی دادوەری نەخۆشخانەی دەوڵەتی شێڕناخ تەرمەکەی پشکنی، تەرمی ئیبراهیم ئایهان بەرەو ناوچەی سێرەوەرگ-ی ڕەحا بەڕێکرا.[2]
- هونەرمەندی کورد #هۆزان جانێ# کە هەڵگری ڕەگەزنامەی ئەڵمانیایە و ئێستا لە زیندانەکانی ڕژێمی تورکیا دایە، نامەیەکی بۆ ئەنگێلا مێرکڵ ڕاوێژکاری ئەڵمانیا نارد و دەستنیشانی کرد کە لە زینداندا دۆخیان زۆر خراپە. نامەکەی هۆزان جانێ لە ئاژانسی DPAی ئەڵمانیا بڵاوکراوەتەوە و سەرنج خراوەتە سەر بارودۆخی ئه و هونەرمەندە. هۆزان جانێ کە لە شاری کۆلن دەژیا، لە کاتی هەڵبژاردنی 24ی حوزەیرانی 2018 بۆ ئەوەی پشتگیریی پارتی دیموکراتی گەلان (هەدەپە) بکات، چوو بۆ تورکیا و لە کاتی میتینگێکدا لە شاری ئەدیرنە دەستگیر کرا.[2]
$رۆژهەڵاتی کوردستان$
- هاووڵاتییەکی کورد، بە ناوی کەریم ئەحمەدپوور، خەڵکی گوندی بێورانی خوار سەر بە شاری #سەردەشت#، لە لایەن هێزە ئیتلاعاتییەکانەوە دەسبەسەر کرا.[3]=KTML_Photo_Begin=https://www.kurdipedia.org/files/relatedfiles/2018/153228/0006.JPG=KTML_Photo_Alt=کەریم ئەحمەدپوور=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153228/0006.JPG=KTML_Photo_End=
- محەممەد تەقی ئەسانلوو، فەرماندەی قەرارگای حەمزە لە وتووێژێکدا لەگەڵ هەواڵدەریی حکوومەتی مێهر، بە هەڕەشەکردن لە حیزبە کوردییەکان ڕایگەیاند: بە هەر جۆرە هەڕەشەیەک دژی وڵات وڵامێکی توند دەدەینەوە. ناوبراو هەروەها ئەوەشی خستەڕوو: هەر جۆرە جووڵەیەکی دژە شۆڕش و ئامریکا لە ناوچەکە بە وردییەوە لەژێر چاوەدێری دەخرێن.[3]
- لە #بانە#، شەش هاووڵاتیی کورد، بە ناوەکانی میلاد ڕەسووڵی، موحسێن قادرپەنایی، ئەرکان ڕەزایی، ڕزگار محەممەدی، تەیب ئەحمەدی و عەتا ڕەشیدزادە، لە لایەن هێزە ئیتلاعاتییەکانەوە دەسبەسەر کران و بۆ شوێنێکی نادیار ڕاگوێزران.[3]
$باشووری کوردستان$
- چەکدارانی #داعش# هێرشدەکەنە سەر گوندێکی #خانەقین# و دانیشتوانی گوندەکە ڕووبەڕوویان دەبنەوە و فڕۆکەی هاوپەیمانانیش بۆردومانی مۆڵگە و شوێنی چەکدارەکان دەکات لەسنوری نێوان #جەلەولا# و خانەقین.[1]
- #نێچیرڤان بارزانی#، سەرۆکی حکومەتی هەرێمی کوردستان واژۆی لەسەر دەستبەکاربوونی #ئازاد تۆفیق# وەک پارێزگاری نوێی #هەڵەبجە# کرد.[1]
- حکومەتی تورکیا ڕایگەیاند، گەشتکردن بۆ فڕۆکەخانەی نێودەوڵەتی #سلێمانی# تاوەکو ڕۆژی 24-12-2018 درێژکرایەوە.[4]
- هێزەکانی هاوپەیمانان و وەزارەتی #پێشمەرگە# ڕایدەگەیەنن: جموجۆڵی چەکدارانی داعش لەهەردوو پارێزگای #کەرکووک# و #موسڵ# زیادیکردووە و دەبێت ڕێگە لە کردەوە تیرۆریستییەکانیان بگیرێت.[1]
- زانا مەلا خالید، بەربژێری #پارتی دیموکراتی کوردستان# بۆ خولی پێنجەمی پەرلەمان ڕاگەیاند: ئەمشەو کاژێر 9:30 خولەک دوو ئۆتۆمبێلی جام ڕەش تەقەیان لە من و پاسەوانەکانم کرد، بەڵام خۆشبەختانە هیچ کەسێک زیانی پێنەگەیشتووە و سەلامەتین.[4]
- لەگوندێکی سنوری #گەرمیان# دوو ئامۆزا لەسەر کێشەی زەوی و زار دەبێتە شەڕیان و یەکتر بریندار دەکەن.[5]
$دەرەوەی کوردستان$
- لە فرانکفۆرت یادی مەزلووم ئورفا شەهیدی بەرخۆدانی #کوبانی# کرایەوە.[2]=KTML_Photo_Begin=https://www.kurdipedia.org/files/relatedfiles/2018/153228/0005.JPG=KTML_Photo_Alt=لە فرانکفۆرت یادی مەزلووم ئورفا کرایەوە=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153228/0005.JPG=KTML_Photo_End=
- سەرۆک کۆماری ئێران، ئاماژەی بەوەدا: عەرەبستانی سعودیە لەپشت ئەو هێرشەوەیە کە کرایەسەر نمایشێکی سەربازیی سوپای ئێران لە شاری ئەهوازی باشوری ئەو وڵاتە و بەهۆیەوە 24 ئەفسەر و سەربازی ئێرانی کوژران و 54 ئەفسەر و سەربازی تر و خەڵکی مەدەنی برینداریوون. حەسەن ڕۆحانی سەرۆک کۆماری ئێران وتی: وەڵامدانەوەی سعودیە لەلایەن ئێرانەوە وێرانکەر دەبێت.[1]
- وەفدێکی یەکێتی بە سەرۆکایەتی (هاوار حاجی) جێگری لێپرسراوی ناوەندی دەرەوەی (ی.ن.ک) بەشداری کۆنفرانسی ساڵانەی پارتی کرێکارانی بەریتانیایان کرد.[5]

ناوەندی ڕاگەیاندن و چاپەمەنی #یەپەگە# لە ڕاگەیەندراوێکدا ڕایگەیاند، لە ئەنجامی چالاکیی شاڕڤاناندا لە دووەمین قۆناغی بەرخۆدانی سەردەم، دوو چەتە لە سنووری #عەفرین# کوژراون و سێ چەتەی دیکەش برینداربوون.
ئەمڕۆ ناوەندی ڕاگەیاندن و چاپەمەنی یەکینەکانی پاراستنی گەل- یەپەگە، لە ڕاگەیەندراوێکدا ئەنجامی دوو چالاکیی لە دووەمین قۆناغی بەرخۆدانی سەردەمدا ڕاگەیاند.
یەپەگە ڕایگەیاند: دوێنێ لەسەر ڕێگای عەفرین – ڕاجۆ، #شەڕڤان#انمان چالاکییەکیان دژی گروپی چەتەکانی ئەحرار شەرقییە ئەنجامدا، لە ئەنجامی چالاکییەکدا چەتەیەک کوژراو سێ چەتەی دیکەش برینداربوون.
یەپەگە ئەنجامی چالاکییەکی دیکەی ئەمڕۆی شەڕڤانانی ئاشکراکردووە و ڕایگەیاندووە: لە جندرێسی سەر بە عەفرین، چالاکییەکمان لە دژی گروپی چەتەکانی فەیلەقی شام-دا ئەنجامدا، لە ئەنجامی چالاکییەکەدا چەتەیەک بەناوی 'محەمەد ئەحمەد جاسم' کوژرا.[1]
#24-09-2018#

هێزەکانی سووریای دیموکراتیک (قەسەدە) بە هاریکاریی هێزەکانی هاوپەیمانەتیی نێونەتەوەیی لە 11ی ئەیلوول\20ی خەرمانان دەستی بە قۆناغی کۆتایی هەڵمەتی گەردەلوولی جزیر کرد لە چوارچێوەی (شەڕی نەهێشتنی تێرۆر)دا.
ناوەندی ڕاگەیاندنی قەسەدە ڕاگەیەنراوێی بڵاوکردەوە و ئاماری شەڕی 24 کاتژمێری ڕابردووی ئاشکرا کرد:
بەرەی باغۆز\شەجلە
لەم بەرەیە هەتا شەوی ڕابردوو شەڕ هەبوو. چەتەکانی #داعش# هەوڵیان دا هێرش بکەنە سەر خاڵی هێزەکانمان. #شەڕڤان#ان لە بەرانبەر ئه و هەوڵانە وەستانەوە و هێرشی چەتەکانیان تێکشکاند. فەرماندەی ئه و بەرەیە ڕایگەیاند کە 5 چەتە کوژراون و بڕێک چەکی چەتەکانیش دەستی بەسەردا گیراوە.
بەرەبەیانیی ئەمڕۆ شەڕڤانانمان لە دەوروبەری گوندی شەجلە هەڵمەتی پاککردنەوەی پاشماوەکانی چەتەکانیان دەستپێکرد. لە زۆر خاڵدا لەنێوان شەڕڤانانی ئێمە و چەتەکانی داعشدا شەڕ ڕوویدا. لە ئەنجامدا زۆر خاڵ لەژێر داگیرکاریی چەتەکان ڕزگار کران و زۆر چەتە له و شوێنانە کوژران.
فڕۆکەکانی هاوپەیمانانیش بەشداری شەڕی دوێنێ و ئەمڕۆیان کرد. فڕۆکەکان لە زۆر شوێنی بەرگریی چەتەکانیان دا و ڕووخاندنیان. لە هێرشەکەدا تۆپخانەی چەتەکان کرانە ئامانج.
بەرەی سووسە\شەجلە
لەم بەرەیە شەوی ڕابردوو شەڕێکی سەخت ڕوویدا. چەتەکان هەوڵیان دا هێرش بکەنە سەر خاڵی هێزەکانمان. شەڕڤانانی ئێمە هەوڵی چەتەکانیان تێکشکاند و زیانی گەورەیان لێ دان. دەربارەی ژمارەی ئه و چەتانەی کوژراون زانیاری بەدەستنەخرا.
بەیانیی ئەمڕۆ شەڕڤانانی ئێمە بەردەوامییان دا بە پێشڕەوی لە لای چەپی گوندی شەجلە و نزیکەی کیلۆ مەترێکیان پاک کردەوە. لێرە 10 خاڵی ژێر دەستی چەتەکان ڕزگار کران. یەکینە سەربازییەکانی سەر بە هێزەکانمان بە دەیان مینیان پووچەڵ کردەوە.
فڕۆکەکانی هاوپەیمانانیش لەم بەرەیە بەشدارییان لە شەڕ کرد و 5 هێرشیان کردە سەر جموجۆڵی چەتەکان و بنکەیەکی فەرماندارەتیی چەتەکانیان ڕووخاند. هەروەها فڕۆکەکان کۆگەیەکی تەقەمەنییان تەقاندەوە.
دوایین ئەنجام
ژمارەی هێرشی ئاسمانی: 20
ژمارەی ئه و خاڵانەی ڕزگار کراون: 28
زیانی چەتەکان: 40 کوژراو، چەندین چەتەی دیکەش لە پێکدادانی جیاجیادا کوژران کە ژمارەیان ڕوون نەبووەتەوە.
دەیان مین پووچەڵ کرانەوە.
تونێلێکی چەتەکان تێکدرا.
بنکەیەکی فەرماندارەتیی چەتەکان و کۆگەیەکی تەقەمەنی ڕووخێنران و سوارەیەکی سەربازی تەقێنرایەوە.[1]
#24-09-2018#