$باکووری کوردستان$
- لەناوچەی بەرواریی پارێزگای #سێرت# لە باکووری کوردستان 3 هاووڵاتی لە گوندی کوبک دەستگیرکران.[4]
$رۆژهەڵاتی کوردستان$
- فەرهاد عەبدوڵڵاپوور، برای #هیدایەت عەبدوڵڵاپوور# زیندانیی سیاسیی کوردی مەحکووم بە ئێعدام لە زیندانی ناوەندیی شاری #ورمێ# لە لایەن هێزە ئیتلاعاتییەکانەوە دەسبەسەر کرا.[6]=KTML_Photo_Begin=https://www.kurdipedia.org/files/relatedfiles/2018/150103/0010.JPG=KTML_Photo_Alt=لە شاری مەریوان چالاکییەک بۆ یادی زیلان بەڕێوەچوو=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/150103/0010.JPG=KTML_Photo_End=
- لە شاری #مەریوان# ژمارەیەک لە ژنان و چالاکوانانی ئەو شارە چالاکییەکییان بە بۆنەی ساڵیادی چالاکییەکەی زەینب کناجی (زیلان)ەوە ئەنجامدا.[4]
$باشووری کوردستان$
- کۆگایەکی چەک و تەقەمەنی لە #بەحرکە#ی #هەولێر# تەقییەوە، سەرچاوەکان باس لەوە دەکەن کە جبەخانەکە سەربە هێزەکانی زێڕەڤانییە.[1]
- بەگوێرەی ڕاگەیەندراوێکی هاوار ئەرگوشی، وتەبێژی پۆلیسی سۆران، ئەمڕۆ ژنێک بەناوی (#دنیا ڕەشید ناجی#) تەمەن 19 ساڵ دانیشتوی گوندی هەلانیای سەر بە شارەدێی شێروان مەزن له سنوری بارزان بەهۆی هاوەنێکی سوپای تورکەوە گیانی لەدەستداوە.[3]
- بەڕێوەبەری ئاسایشی هەولێر ڕایگەیاند، تەقینەوەی کۆگا تەقەمەنییەکە هیچ دەستێکی تیرۆریستی لە پشتەوە نەبووە، بەڵکو پەیوەندی بە خراپی هەڵگرتنی تەقەمەنییەکانەوە هەبووە.[5]
- لە گوندێکی نزیک #خانەقین# چەکدارانی #داعش# بۆمبێکی چێنراویان بە ئۆتۆمبیلی هاووڵاتییەکدا تەقاندەوە و تەنها زیانی مادی هەبووە.[2]
- ئەفسەرێکی ئاسایش ئاشکرای دەکات، چەکدارانی داعش لە شاخی غەررەی نێوان #کفری# - #خورماتوو# کە دەکەونە سنوری هەرێمی کوردستانەوە دەرکەوتوونەتەوه و جموجۆڵیان زیادیکردووە.[2]
- لە پارکی ئازادیی شاری #سلێمانی#، بە دەستپێشخەری ڕێکخراوی ژنانی ئازادی کوردستان، 23یەمین ساڵیادی زەینەب کناجی ناسراو بە زیلان بە مەراسیمێک بیرهێنرایەوە.[3]
- هێزەکانی پێشمەرگە بە هاوکاری هاوپەیمانان لە چیای قەرەچووخ لە سنووری #مەخموور# ئۆپەراسیۆنێکیان بۆ سەر بنکەکانی داعش ئەنجامدا و سێ چەکدار کوژراون، لەنێویاندا عامر ناسراو بە ئەبو عوبەیدە، بەرپرسی دارایی و لۆجستی داعش.[5]
$رۆژئاوای کوردستان$
- لەپاش زنجیرە تەقینەوەکانی 27ی حوزەیرانەوە لە ناوەندی #عەفرین#، کە ژمارەیەکی زۆر لە چەتەکان تێیدا کوژران، چەتەکانی تورک بەشێوەیەکی فراوان دەستیانکردووە بە ڕفاندنی هاوڵاتیانی عەفرین و تا ئەمڕۆ زیاتر لە 150 هاوڵاتیان ڕفاندووە.[3]
- ڕۆژنامەی (یەنی شەفەق)ی نزیک لە پارتی دەسەڵاتداری تورکیا بڵاویکردەوە دوای تەواوبوونی فڕگەی بنکەی ئاسمانی (#حەسەکە# – تەلبێدەر) چوارشەمەی ڕابردوو 27ی ئەم مانگە دوو فڕۆکەی گەورەی بارهەڵگری سەربازی ئەمریکا لە بنکە ئاسمانییەکە نیشتوونەتەوە و چەک و تەقەمەنی نوێیان بۆ #یەپەگە# و هەسەدە ناردووە.[2]

شەڕڤانانی #یەپەگە# لە کانتۆنی #عەفرین# دوو چالاکییان لەدژی چەتەکانی سەر بە تورکیا ئەنجامدا، لەو چالاکییانەدا شەش چەتە کوژران.
ئەمڕۆ، ناوەندی ڕاگەیاندنی یەکینەکانی پاراستنی گەل-یەپەگە، لەبارەی چالاکیی شەڕڤانان لە عەفرین ڕاگەیەندراوێکی بڵاوکردەوە و وردەکارییەکانی ئەو چالاکییانەی خستەڕوو.
لە ڕاگەیەنراوی یەپەگەدا هاتووە: لە دووەمین قۆناغی بەرخۆدانی سەردەمدا، شەڕڤانەکانانمان بەردەوامن لە چالاکییەکانیان لەدژی چەتەکان، ڕۆژی 24ی حوزەیران لە سەر ڕێگای گوندی دێوا بۆ تەل سلۆری سەر بە جندرێس چالاکییەک لەدژی چەتەکانی فەیلەقی شام ئەنجامدرا، لەو چالاکییەدا چەتەیەک کوژران.
لە بەردەوامیدا یەپەگە ڕایگەیاندوە: ڕۆژی 25ی حوزەیران لە گوندی ئامارای سەر بە ماباتای عەفرین، چالاکییەکی دیکە لەدژی چەتەکانی فەیلەقی شام ئەنجامدرا، لەو چالاکییەشدا پێنج چەتە کوژران و ئۆتۆمبێلێکی سەربازیی چەتەکانیش تێکشکێندرا.
لەکۆتاییدا یەپەگە ڕایگەیاندووە، کە لە سەرەتای بەرخۆدانی سەردەمەوە بۆ ئێستا دوو هەزار و 491 چەتەی داگیرکەر کوژراون.[1]
#30-06-2018#