ئاڵوگۆڕی بازرگانی لە دەروازەی نێودەوڵەتیی #باشماخ# لە ماوەی ساڵی 2017 بەڕێژەی لە 30% زیادی کردووە.
شاخەوان بەکر، بەڕێوەبەری گومرگی دەروازەی نێودەوڵەتیی باشماخ بە (تۆڕی میدیایی ڕووداو)ی ڕاگەیاند، داهاتی مانگی حەوت بەراورد بە مانگی شەشی ئەمساڵ، لە دەروازەی باشماخ پێنج ملیار دینار زیادی کردووە، بەو پێیەیش داهاتی مانگی ڕابردوو بەڕێژەی لە 10% بەرزبووەتەوە.
بەڕێوەبەری گومرگی باشماخ ئاماژەی بەوەشکرد، لە چەند مانگی ڕابردووشدا داهاتی دەروازەکە بەڕێژەی لە 20% بەرزبوونەوەی تۆمارکردبوو، ئێستا ڕێژەکە گەیشتووەتە لە 30%.
لەبارەی هۆکاری بەرزبوونەوەی ئاڵوگۆڕی بازرگانی لە دەروازەی باشماخ، شاخەوان بەکر دەڵێت، هۆکاری سەرەکی بۆ ئەوە دەگەڕێتەوە، کە بازرگانان لە گومرگی کاڵاکانیاندا لە دەروازەکانی هەرێمی کوردستان کەمتر لەسەریان دەکەوێت، بەراورد بە دەروازەکانی ناوەڕاست و خوارووی عێراق.
شاخەوان بەکر هۆکارێکی دیکەش بۆ لابردنی کۆمپانیاکانی SOC دەگەڕێنێتەوە، کە لە دەروازەکان پشکنینیان بۆ کاڵاکان دەکرد و پارەیان لە بازرگانان وەردەگرت و خەڵکیان دوادەخست.
بەڕێوەبەری گومرگی باشماخ ئەوەش دەخاتەڕوو هۆکارێکی دیکەی زیادبوونی ئاڵوگۆڕی بازرگانی، بۆ زیادبوونی خواستی خەڵک بۆ کاڵا خۆراکییەکان دەگەڕێتەوە، بەو هۆیەشەوە بازرگانان زیاتر کاڵای خۆراکی هاوردە دەکەن، هەرچەندە کاڵا سەرەکییە خۆراکییەکان گومرگی لەسەر نییە، تەنیا کرێی پشکنینیان لەسەرە.
06-08-2017

زستانی 2014

گوندێکە سەربە شاردێی #خاو و میراوا#ی شارۆچکەی #مەریوان#ە لە #ڕۆژهەڵاتی کوردستان#.

دێیەکە لە ناوچەی زێویەی شارستانی #سەقز#، ڕۆژهەڵاتی کوردستان.[1]

بەڕێوەبەری گومرگەکانی پارێزگای کوردستانی ئێران ئاشکرایکرد بەگوێرەی ڕێژەی زۆری ئاڵوگۆڕی کاڵاوشمەک، مەرزی باشماخ لەسنوری مەریوان سێیەمین سنووری ترانزیتی ئێرانە.
بەختیار ڕەحمانی پور بە ئاژانسی هەواڵی مێهری ڕایگەیاندوە ئاستی ئاڵوگۆڕەکانی سنووری باشماخ لە مەریوان بە ڕێژەیەکی بەرچاو بەرزبووەتەوە و لە ئێستادا باشماخ سێیەمین سنووری گەورەی ترانزیتی ئێرانە.
راشیگەیاند "لەپلانیاندایە ژێرخانی خاڵی سنوری باشماخ بەهێز بکەن کە ببێتە یەکێک لە گرنگترین خاڵە سنوورییەکانی ئێران و لە ئێستاشدا زۆربەی کاروباری سنوورەکانی کوردستان لە ڕێگەی ئینتەرنتەوە ئەنجامدەدرێت.
سەبارەت بە ئامارەکانی خاڵە سنورییەکانی پارێزگای کوردستانی ئێران، ڕەحمانی وتی ":لەحەوت مانگی یەکەمی ئەمساڵدا بە گشتی (184) ملیۆن دۆلار بە کێشی (343) هەزار تەن هەناردەکراوە، بە بەراورد بە ساڵی ڕابردووش 1% کەمیکردwوە.
بەڕێوەبەری گومرۆکەکانی پارێزگای کوردستانی ئێران وتیشی "بەگشتی لە7 مانگی ڕابردووا 16 ملیۆن دۆلار هاوردەمان هەبووە".
سەبارەت بە (ترانزێت)ی کاڵاوشمەک لە سنووری باشماخ دەڵێت "لە ساڵی ڕابردوودا بەبڕی یەک ملیار و547 ملیۆن دۆلار کاڵاوشمەک ترانزیت کراوە، بەبەراورد بەساڵی پێشووتر بەرێژەی 30% زیادیکردووە کردوو".
- 09-11-2016

دواڕۆژ، ڕێبین حەسەن
بەپێی ئامارێک لەماوەی ساڵی ڕابردوودا، لەمەرزی نێودەوڵەتی #باشماخ#، بڕێکی زۆر ماددەی خۆراکی، بەهۆی دەرنەچوون لەپشکنین ڕەوانەی وڵاتی ئێران کراونەتەوە و کاری لەناوبردنیان بۆ ئەنجامدراوە.
بەهێز لەتیف، لێپرسراوی کەرەنتینەی کشتوکاڵی باشماخ، بەدواڕۆژی ڕاگەیاند: وەک کەرەنتینەکەمان لەساڵی 2018 دا، بڕی هەموو بەروبومی کشتوکاڵی پشکنینکراو لەرێککەوتی #01-01-2018# بۆ 31/12/2018 بریتی بووە لە (393) هەزار و (683) تەن و 211 کیلۆگرام.
وتیشی: بڕی خۆراک و ماددە قەدەغەکراوەکانیش، کە لە پشکنین دەرنەچوون ئەگەر فیزیایی بێت یاخود تاقیگە، کاری لەناوبردن و گەڕانەوەیان بۆ وڵاتی سەرچاوە کە ئێرانە بۆ کراوە بریتی بووە لە (1611) تەن و (686) کیلۆگرام.[1]
#10-01-2019#

دوارۆژ، ڕێبین حەسەن
بەبەراورد بەجەژنی نەورۆزی پارساڵ، ئەمساڵ هاتنی گەشتیارانی ئێرانی لەمەرزی نێودەوڵەتی باشماخەوە بۆ هەرێمی کوردستان زیادیکردووە، هاوکات بەشێوەیەکی گشتیش هاتنی گەشتیارانیش بۆ سنووری پارێزگای سلێمانی، ئەم نەورۆزە لەرێگەی فڕۆکەخانەی نێودەوڵەتی سلێمانی و بازگەکانەوە زیاترە لەنەورۆزی پارساڵ.
بەپێی ئامارێکی بنکەی نیشینگەی مەرزی نێودەوڵەتی باشماخ، کە وێنەیەکی تایبەت دراوەتە دوارۆژ، هاتووە لەماوەی 3/15 - 2017/3/23 لەرێگەی مەرزی باشماخەوە 10 هەزار و 789 گەشتیار لەوڵاتی ئێرانەوە هاتوونەتە خاکی هەرێمی کوردستان، لەکاتێکدا لەرێکەوتی 3/15 - 3/23 پارساڵ لەمەرزی باشماخەوە نۆ هەزار و 931 گەشتیار هاتوونەتە خاکی هەرێمەوە، واتە بەپێی ئەو ئامارانە بێت جیاوازی هاتنی گەشتیارانی ئێرانی نەورۆزی پارساڵ و ئەمساڵ بریتییە لە 858 گەشتیار.
لای خۆشیەوە ئارام شوانی، بەڕێوەبەری ڕاگەیاندنی گەشتوگوزاری سلێمانی، بۆ دوارۆژ، وتی لەماوەی نێوان 3/15 - 2017/3/22 هاتنی گەشتیاران لەرێگەی فڕۆکەخانەی نێودەوڵەتی سلێمانی بریتییە لە 7624 و لەرێی بازگەی کەڵەوانان 944 و بازگەی عەربەت 13 هەزار و 512 و بازگەی تاسڵوجە 10 هەزار و 831 گەشتیار و بەوەی مەرزی نێودەوڵەتی باشماخەوە کۆی گشتی هاتنی گەشتیاران بریتیە لە 43 هەزارو 700 کەس.
ناوبراو وتیشی بەڵام ژمارەی گشتی گەشتیاران لەرێکەوتی 3/15 - 2016/3/23 بریتی بووە لەنزیکەی 35 هەزار گەشتیار.
مەرزی باشماخ دەکەوێتە سنووری قەزای پێنجوێنی سەر بەپارێزگای سلێمانی و نزیکەی شەش کم لەپێنجوێنەوە دوورە، مەرزەکە وێڕای ئەوەی ڕۆژانە سەرچاوەیەکی گرنگی ئاڵوگۆڕی بازرگانییە لەنێوان هەرێمی کوردستان و کۆماری ئیسلامی ئێران، هاوکات گەشتیارانیش لەو خاڵەوە سەردانی شارەکانی (مەریوان و سنە و سەقز) و چەند ناوچەیەکی تری وڵاتی ئێران دەکەن.
24-03-2017

دواڕۆژ، ڕێبین حەسەن
لەماوەی شەش مانگی ڕابردووی ئەمساڵ و لەمەرزی نێودەوڵەتی #باشماخ#ەوە، لەکۆی (4408) تانکەری جیاوازی سوتەمەنی هاتوو (4322) تانکەری گونجاو بووەو داخڵکراوە و (86) تانکەریش لەپشکنین دەرنەچوون و گەڕێنراونەتەوە بۆ ئێران.
لەوبارەیەوە و بەپێێ‌ ئامارێکی بنکەی تاقیگەی پشکنینی سوتەمەنی باشماخ، کە وێنەیەکی تایبەت دراوەتە دواڕۆژ، هاتووە ئاماری سەرجەم تانکەری سوتەمەنی هاتوو لەڕۆژی 1/1 بۆ 1/7/2018، چوار هەزار و 408 تەنکەری سوتەمەنی جیاواز هاوردەی ناو مەرزەکە کراوە و دواتریش نموونەیان بۆ پشکنین لێوەرگیراوە.
ئاماژە بەوەشکراوە، هەر تانکەرێک کاتێک هاوردەی هەرێمی کوردستان دەکرێت، لەڕێگەی مەرزی نێودەوڵەتی باشماخەوە، پێویستە سەرەتا لەلایەن بنکەی تاقیگەی پشکنینی سوتەمەنی باشماخەوە پشکنینیان بۆ ئەنجامبدرێت و پاش دەرچوونی نموونەی وەرگیراوی ئەو سوتەمەنییەی ئەوکاتە ڕێگە بەهاوردەکردنی دەدرێت.
ئەوەشخراوەتەڕوو ئەو تانکەرانەی لەپشکنین دەرنەچوون دەگەڕێنرێنەوە بۆ ئێران، کە بەمشێوەیە بووە:
(3729) تانکەری بەنزین و لەو بڕەش (3682) گونجاو بووە و 47 تانکەر نەگونجاو بووە.
هەر بەپێی ئامارەکە، 668 تانکەری گاز هاوردەکراوە و 629 تەنکەریان گونجاو بووە و 39 تانکەر نەگونجاو بووە و 11 تانکەری نەوتیش هاوردەکراوە و سەرجەمیان گونجاو بوون.
لەکۆتایی ئامارەکە باسلەوەکراوە، بەم شێوەیە لەکۆی (4408) تەنکەری سوتەمەنی هاتوو (4322) تانکەری گونجاو بووە و داخڵکراوە و (86) تەنکەریش لەپشکنین دەرنەچوون و گەڕێنراونەتەوە بۆ ئێران.[1]
#22-07-2018#

دواڕۆژ، #ڕێبین حەسەن#
لەمڕۆوە و بۆ ماوەی یەک هەفتە، بەپێی بڕیارێکی نوێی مەرزی نێودەوڵەتی #باشماخ#، مۆڵەتی یەک هەفتە دەدرێتە شۆفێری بارهەڵگرەکان بۆ دروستکردنی باجی تایبەت بەمەبەستی هاتنە ناوەوەیان بۆ ناو مەرز و چوونیشیان بۆ خاکی ئێران، هاوکات =KTML_Bold=رۆژانە 3500 شۆفێر ئاڵوگۆڕی کەلوپەل دەکەن=KTML_End= لەنێوان هەرێم و ئێران.
لەوبارەیەوە، ئەزوەر مەحمود، سەرپەرشتیاری بەڕێوەبەرایەتی کۆمەڵگای دەروازەی نێودەوڵەتی مەرزی باشماخ، بەدواڕۆژی ڕاگەیاند بەمەبەستی چارەسەرکردنی سەرجەم ئەو گرفتانەی کە ڕۆژانە ڕووبەڕووی شۆفێرانی هەرێمی کوردستان دەبێتەوە کە لەمەرزی نێودەوڵەتی باشماخ کاری هاوردە و هەناردەکردنی شتومەک و پێداویستییەکان دەکەن، ئەمڕۆ بڕیارێکی نوێمان دەکرد.
ناوبراو، وتیشی بەپێی ئەو بڕیارە نوێیەی بەڕێوەبەرایەتی کۆمەڵگای دەروازەی نێودەوڵەتی باشماخ، بڕیاردرا بەدروستکردنی باجی تایبەت بۆ سەرجەم بارهەڵگرەکان بەمەبەستی هاتنە ناوەوە و گوزەرکردنیان بۆ خاکی ئێران و تا یەک هەفتەی تر دەبێت شۆفێران بەو بڕیارەوە پابەند بن و جێبەجێیبکەن.
روونیشیکردەوە، ئەو بڕیارە بەڕاوێژ و گفتوگۆکردن بووە لەگەڵ نوێنەری چەند فەرمانگەیەکی پەیوەندیداری کۆمەڵگا، واتە لەپاش گفتوگۆکردن و تاووتوێکردنی چەند پرس و بابەتێکی گرنگ بووە سەبارەت بەبارهەڵگرەکانی باشماخ.
ئاماژەی بەوەشکرد، ئامانجی دەرکردنی بڕیاری دروستکردنی باج، بەمەبەستی ڕێکخستن و کەمکردنەوەی ڕۆتینات و ئاسانکاریی زیاتر بۆ شۆفێری بارهەڵگرەکانە، هاوکات دەبێت ئەو باجە لەکاتی گوزەر کردندا بەپێی ڕێنماییەکان بەکاربهێنرێت و هەر شۆفێرێکیش پێچەوانەی ئەم بڕیارە باجی هاتنە ناوەوە بەکاربهێنێت، ڕووبەڕووی یاسا دەکرێتەوە و سزای یاسایی دەدرێت.
هاوکات بەپێی ئامارێکی سەندیکای شۆفێرانی پێنجوێن، کە وێنەیەکی تایبەت دراوەتە دواڕۆژ، لەئێستادا و لەمەرزی نێودەوڵەتی باشماخ، زیاتر لە (3500) شۆفێری هەرێم ڕۆژانە کاری هاوردە و هەناردەکردنی کەلوپەل و شمەک و پێداویستی ڕۆژانەی هاوڵاتیان و گواستنەوەی جۆرە جیاوازەکانی سوتەمەنی لەنێوان هەرێمی کوردستان و کۆماری ئیسلامی ئێران دەکەن.[1]
#21-02-2018#

ئەمڕۆ هەینی #مەرزی نێودەوڵەتی باشماخ# دەستی بەسەر 12 تانکەر بانزیندا گرتووە کە لە #ئێران#ەوە هاوردەی #هەرێمی کوردستان# کراوە، سەرۆکی لیژنەی وزە و سامانە سروشتییەکانی #سلێمانی#ش دەڵێت ئه و بانزیکە ترسی تەقاندنەوەی ئۆتۆمبێل و وەستانی فیول پەمپی هەیە.
غالب محەممەد، سەرۆکی لیژنەی وزە و سامانە سروشتییەکان لە ئەنجومەنی پارێزگای سلێمانی بە دواڕۆژی ڕاگەیاند ئەمڕۆ 12 تانکەر بانزیک لە مەرزی نێودەوڵەتی باشماخ و لە ئێرانەوە هێنراوەتە هەرێم، بەڵام لەلایەن مەرزەکەوە دەستی بەسەردا گیراوە و ڕەوانەی وڵاتی ئێران دەکرێتەوە.
وتیشی ئه و بانزینە مادەی (RVP) لە ئاستی ئاسای بەرزترە، چونکە ئه و ماددەیە لە هاویندا پێویستە ڕێژەکەی 60 زیاتر نەبێت، لەکاتێکدا ئه و بانزینەی کە دەستی بەسەردا گیراوە ڕێژەکەی 73 بۆ 74.
لەبارەی مەترسی و زیانەکانی بەرزی مادەی (RVP) لە بەنزیندا سەرۆکی لیژنەی وزە و سامانە سروشتییەکانی پارێزگای سلێمانی ئاماژەی بەوەشکرد بەرزی ڕێژەی ئه و ماددەیە لە بەنزیندا دەبێتە هۆی وەستانی فيول پەمپ، ئەمە سەرەڕای ئەوەی مەترسی تەقاندنەوەی ئۆتۆمبێلی لێ دەکرێت، چونکە کە ئه و ماددەیە بەرزبوو واتە بەنزینەکە دەبێتە هەڵم ئۆتۆمبێل لەکاردەخات.
لەبارەی ئه و کۆمپانیایانەی کە بانزینەکەیان هێناوەتە ناوەی هەرێم غالب محەممەد وتی هەردوو کۆمپانیای ساوس کوردستان و سمود وەتەن بەنزینەکەیان هێناوە کە یەکەمیان هەشت تانکەر و دووەمیشیان چوار تانکەری هاوردەکردووە.
دوارۆژ
23-06-2017