وەزارەتی ناوخۆی حکومەتی هەرێم بڕیاریدا بە درێژکردنەوەی ماوەی لێخۆشبون لە سزای دواکەوتنی سەرجەم مامەڵەکانی بەڕێوەبەرایەتییەکانی هاتوچۆ لە هەرێم بۆ ماوەی دو مانگ.
بەپێی فەرمانێکی وەزاری کە ئیمزای ڕێبەر ئەحمەد، وەزیری ناوخۆی حکومەتی هەرێمی لەسەرە، بڕیاردراوە بە درێژکردنەوەی ماوەی لێخۆشبون لە سزای دواکەوتنی سەرجەم مامەڵەکان لە بەڕێوەبەرایەتییەکانی هاتوچۆ لە هەرێمی کوردستان لەماوەی (7/2/2020 تاوەکو 1/9/2020) و بە بەخشراو هەژمار دەکرێن بەهۆی ڕاگرتنی مامەڵەکان بە هۆکاری بڵاوبونەوەی ڤایرۆسی کۆرۆنا.

بەپێی ڕاپۆرتێکی ژوری لێکۆڵینەوەی ئابوری بزوتنەوەی گۆڕان، لەسەرەتای ئەمساڵەوه و لەسەر داهاتی بەڕێوەبەرایەتی هاتوچۆی سلێمانی بڕی زیاتر لە 2 ملیار و 383 ملیۆن دینار بۆ کڕینی ئۆتۆمبیل بۆ بەرپرسانی پۆلیس و بەڕێوەبەرایەتیەکانی وەزارەتی ناوخۆ تەرخانکراوە، لەکاتێکدا دەبێت ئەو داهاتە بۆ بوژاندنەوەی ژێرخانی هاتوچۆی هەرێم خەرج بکرێت.
سلێمانی، ئاوێنەنیوز: ڕاپۆرتەکەی ژوری لێکۆڵینەوەی ئابوری وێنەیەکی بۆ ئاوێنەنیوز نێردراوه و لەبەشێکیدا هاتووە، "داهاتی بەڕێوەبەرایەتیەکانی هاتوچۆ لە وەزارەتی ناوخۆی حکومەتی هەرێمی کوردستان ساڵانە بەپێی یاسایی بودجە تەنها 50%ی دەچێتە ناو خەزێنەی گشتیەوە، 50% تری پێویستە لەبوژاندنەوەی ژێرخانی هاتوچۆی هەرێمی کوردستاندا خەرج بکرێت، بەڵام ئەوەی تێبینی دەکرێت، وەزارەتی ناوخۆ بە هەماهەنگی لەگەڵ وەزارەتی دارایی و بەڕێوەبەرایەتیەکانی هاتوچۆ، داهاتی بەڕێوەبەرایەتیەکانی هاتوچۆ کە بەشێکی زۆری لەغرامەی شۆفێرانەوە سەرچاوەی گرتووە، بۆ کڕینی ئۆتۆمبێل بۆ بەرپرسانی وەزارەتی ناوخۆو بەڕێوەبەرایەتیەکانی وەزارەتی ناوخۆ."
بەپێی ئەو بەڵگەنامەنەی دەست ژوری لێکۆڵینەوەی ئابوری بزوتنەوەی گۆڕان کەوتووە، لەسەرەتای ساڵی 2013 تا پێش هەڵبژاردنەکانی 21-09-2013 لەسەر داهاتی بەڕێوەبەرایەتی هاتوچۆی سلێمانی بڕی 2 ملیار و 383 ملیۆن و 837 هەزار و 400 دینار بۆ کڕینی ئۆتۆمبیل بۆ بەرپرسانی پۆلیس و بەڕێوەبەرایەتیەکانی وەزارەتی ناوخۆ تەرخانکراوە، بەم بڕە پارەیەش تەنها (44) ئۆتۆمبیل کڕدراوە. کە گرانترینیان ئۆتۆمبیلێکی توێتا لاندکرۆزەر مۆدێل 2013 بۆ بەڕێوەبەری هاتوچۆی سلێمانی کڕدراوە بەبڕی 108 ملیۆن و 240 هەزار دینار، هەرزانترینیان ئۆتۆمبیلێکی پیکاب دەبڵ کابینەیە بەنرخی 32 ملیۆن و 25 هەزار دینار.
ئەم لێشاوە زۆرەی کڕینی ئۆتۆمبێل لەکاتێکدایە کە وەزارەتی ناوخۆ هاوشێوەی وەزارەت و دامەزراوەکانی حکومەت ساڵانە پارەیەکی زۆر بۆ چاکردنەوەی ئامێرەکانی خەرجدەکات، لەبودجەی ساڵی 2013دا 3 ملیار و 605 ملیۆن دیناری بۆ چاکردنەوەی ئۆتۆمبیل تەرخانکردووە، ئەمە جگە لەوەی کە وەزارەتی ناوخۆ داوای 199 ملیار دیناری تری کردبو بۆ کڕینی ئۆتۆمبیل، بەڵام وەزارەتی دارایی ڕەزامەندی تەنها لەسەر 745 ملیۆن دینار دەربڕیووە.
دەقی ڕاپۆرتەکە:
بزوتنەوەی گۆڕان ژوری لێکۆڵینەوەی ئابوری
داهاتی هاتوچۆی سلێمانی دەدرێت بە ئۆتۆمبێل بۆ بەرپرسەکان
داهاتی بەڕێوەبەرایەتیەکانی هاتوچۆ لە وەزارەتی ناوخۆی حکومەتی هەرێمی کوردستان ساڵانە بەپێی یاسایی بودجە تەنها 50%ی دەچێتە ناو خەزێنەی گشتیەوە، 50% تری پێویستە لە بوژاندنەوەی ژێرخانی هاتوچۆی هەرێمی کوردستاندا خەرج بکرێت، بەڵام ئەوەی تێبینی دەکرێت، وەزارەتی ناوخۆ بە هەماهەنگی لەگەڵ وەزارەتی دارایی و بەڕێوەبەرایەتیەکانی هاتوچۆ، داهاتی بەڕێوەبەرایەتیەکانی هاتوچۆ کە بەشێکی زۆری لەغرامەی شۆفێرانەوە سەرچاوەی گرتووە، بۆ کڕینی ئۆتۆمبێل بۆ بەرپرسانی وەزارەتی ناوخۆو بەڕێوەبەرایەتیەکانی وەزارەتی ناوخۆ.
بەپێی ئەو بەڵگەنامەنەی کە دەست ژووری لێکۆڵینەوەی ئابووری بزوتنەوەی گۆڕان کەوتووە، لەسەرەتای ساڵی 2013 تا پێش هەڵبژاردنەکانی 21-09-2013 لەسەر داهاتی بەڕێوەبەرایەتی هاتوچۆی سلێمانی بڕی 2 ملیار و 383 ملیۆن و 837 هەزار و 400 دینار بۆ کڕینی ئۆتۆمبیل بۆ بەرپرسانی پۆلیس و بەڕێوەبەرایەتیەکانی وەزارەتی ناوخۆ تەرخانکراوە، بەم بڕە پارەیەش تەنها (44) ئۆتۆمبیل کڕدراوە. کە گرانترینیان ئۆتۆمبیلێکی توێتا لاندکرۆزەر مۆدێل 2013 بۆ بەڕێوەبەری هاتوچۆی سلێمانی کڕدراوە بەبڕی 108 ملیۆن و 240 هەزار دینار، هەرزانترینیان ئۆتۆمبیلێکی پیکاب دەبڵ کابینەیە بە نرخی 32 ملیۆن و 25 هەزار دینار.
ئه و ئۆتۆمبیلانەی کە بۆ ئەو بەرپرس و فەرمانگانە کڕدراون، چەندین نرخی جیاواز بەخۆیانەوە دبینن، بۆ نمونە ئۆتۆمبیلێی توێتا لاندکرۆزەر مۆدێل 2013 بەپێی ئەو بەڵگانەی لەبەر دەستن 8 نرخی جیاوازی بەخۆیەوە بینیووە، کە ئەمەش ئەوەندەی تر گومانی خستۆتە سەر پڕۆسەکە، چونکە ناکرێت لە نۆ مانگدا 8 جار گۆڕانکاری بەسەر نرخی مۆدێلێکی ئۆتۆمبیلدا بێت، خۆ ئەگەر ئەم ئۆتۆمبێلانە تایبەتمەندیەکانیشیان جیاوازە، پێویستە ئاماژەی پێبکرێت، ئەگەرچی ئەویش جێگەی تێڕامانە، کە ئەو هەموو گۆڕانکاریە چ پێویست دەکات لە مۆدیلی ئۆتۆمبێلەکاندا بکرێت؟ هەروەها لە نرخی ئۆتۆمبێلی توێتا پرادۆ 2013 بەهەمان شێوە 5 جار ئالوگۆڕ لە نرخەکەیدا کراوە.
ئەم ئۆتۆمبێلانە هەموو ئەو ئۆتۆمبێلانە نین کە لەسەر داهاتی بەڕێوەبەرایەتی هاتوچۆی سلێمانی کڕدراون، بەڵکو بەپێی ڕونکردنەوەکانی قائیمقامی قەزای مەرکەزی سلێمانی و سکرتێری ڕۆژنامەوانی پارێزگاری سلێمانی، ئەگەر فەرمانگەیەک یان بەرپرسێک پێویستی بە ئۆتۆمبێل بێت، بە ڕەزامەندی لایەنی پەیوەندیدار کە وەزارەتی دارایی و وەزارەتی ناوخۆیە، لەسەر بودجەی بەڕێوەبەرایەتی هاتوچۆی سلێمانی بۆی دەکڕدرێت. وەک چۆن ئۆتۆمبیلێک لە جۆری توێتا لاندکرۆزەر کە نرخەکەی نزیکەی 60 هەزار دۆلارە بۆ قائمقامی قەزای مەرکەزی سلێمانی لەسەر داهاتی بەڕێوەبەرایەتی هاتوچۆی سلێمانی کڕدراوە.
ئەم لێشاوە زۆرەی کڕینی ئۆتۆمبێل لە کاتێکدایە کە وەزارەتی ناوخۆ هاوشێوەی وەزارەت و دامەزراوەکانی حکومەت ساڵانە پارەیەکی زۆر بۆ چاکردنەوەی ئامێرەکانی خەرجدەکات، لە بودجەی ساڵی 2013دا 3 ملیار و 605 ملیۆن دیناری بۆ چاکردنەوەی ئۆتۆمبیل تەرخانکردووە، ئەمە جگە لەوەی کە وەزارەتی ناوخۆ داوای 199 ملیار دیناری تری کردبوو بۆ کڕینی ئۆتۆمبیل، بەڵام وەزارەتی دارایی ڕەزامەندی تەنها لەسەر 745 ملیۆن دینار دەربڕیووە.
لیستی ئەو کەس و لایەنانەی لەسەر داهاتی بەڕێوەبەرایەتی هاتوچۆی سلێمانی ئۆتۆمبێلیان بۆ کڕدراوە:
ژ ناوی کەس - فەرمانگە جۆری ئۆتۆمبێل بڕەکەی نرخ/ دینار
1 بەڕێوەبەری هاتوچۆی سلێمانی توێتا لاندکرۆزەر 2013 1 108240000
2 بەڕێوەبەری بەرگری شارستانی ڕاپەڕین توێتا لاندکرۆزەر 2013 1 80320000
3 بەڕێوەبەری بەرگری شارستانی گەرمیان توێتا لاندکرۆزەر 2013 1 70840000
4 بەڕێوەبەری هاتوچۆی ئیدارەی ڕاپەڕین توێتا لاندکرۆزەر 2013 1 77089000
5 سەرۆکی لیژنەی هاوبەش لە دیوانی وەزارەت توێتا لاندکرۆزەر 2012 1 75500000
6 بەڕێوەبەری فەرمانگەی یاسایی ب.گ.پۆلیس توێتا لاندکرۆزەر 2013 1 57522500
7 بەڕێوەبەرایەتی پۆلیسی پارێزگای سلێمانی توێتا لاندکرۆزەر 2013 1 81990000
8 بەڕێوەبەرایەتی پۆلیسی گەرمیان توێتا لاندکرۆزەر 2013 1 77178300
9 بەڕێوەبەرایەتی پۆلیسی ڕاپەڕین توێتا لاندکرۆزەر 2013 1 72275000
10 لیوا مەریوان توێتا پرادۆ 2013 1 57710000
11 ب. پۆلیسی پاسەوانی پارێزگای سلێمانی توێتا پرادۆ 1 57710000
12 یاریدەدەری بەڕێوەبەری پاسپۆرتی سلێمانی توێتا پرادۆ 2013 1 51135000
13 بەڕێوەبەری نوسینگەی زانیاری سلێمانی توێتا پرادۆ 2013 1 51200000
14 بەڕێوەبەرێتی هاتوچۆی ناوشار (رۆژئاوا) توێتا پرادۆ 2013 1 62290000
15 بەڕێوەبەرێتی هاتوچۆی ناوشار (رۆژهەڵات) توێتا پرادۆ 2013 1 62290000
16 یاریدەدەری بەڕێوەبەرایەتی هاتوچۆی قەزاکان توێتا پرادۆ 2013 1 62290000
17 دیارینەکراوە فورد إکسبیدیشن 2012 1 41616000
18 دیارینەکراوە فۆرد ئەیدج 2013 9 371527000
19 بەڕێوەبەری ئای تی دیوانی وەزارەت فۆرد تۆرێس 1 34272000
20 بەڕێوەبەری کارگێڕی گشتی لە ب.گ ناوخۆ فۆرد تۆرێس 1 34272000
21 بەڕێوەبەرایەتی پۆلیسی خانەقین فورد إکسبیدیشن 2012 2 87883200
22 بەرێوەبەرایەتی هاتوچۆی خانەقین فورد إکسبیدیشن 2012 2 87883200
23 سەرۆکی دادگای هێزەکانی ئاسایشی ناوخۆ/ سلێمانی فورد إکسبیدیشن 2012 1 42228000
24 ڕاگری کۆلێژی پۆلیس/ سلێمانی فورد إکسبیدیشن 2012 1 42228000
25 بەڕێوەبەری پۆلیسی دارستان/ سلێمانی فورد إکسبیدیشن 2012 1 42228000
26 بەڕێوەبەری ئەکادیمیای پۆلیسی سلێمانی فورد إکسبیدیشن 2012 1 42228000
27 جێگری بەڕێوەبەری پۆلیسی دارستانی هەرێم فورد إکسبیدیشن 2012 1 42228000
28 دیارینەکراوە دیارینەکراوە 2 179683200
29 بەڕێوەبەرایەتی هاتوچۆی سلێمانی پاصی نیسان 2013 1 63466000
30 بەڕێوەبەرایەتی پۆلیسی گەرمیان توێتا پاص 1 69390000
31 بەڕێوەبەرایەتی نشینگەی گەرمیان پیکاب دەبڵ کابینە 1 33075000
32 بەڕێوەبەرایەتی نشینگەی سلێمانی پیکاب دەبڵ کابینە 2 64050000
کۆی گشتی نرخ 2383837400
ژووری لێکۆڵینەوەی ئابووری
بزوتنەوەی گۆڕان
13-11-2013
- 14-11-2013

بەپێی بڕیارێکی #بافڵ تاڵەبانی#، سەرۆکی #یەکێتیی نیشتمانیی کوردستان#، هەر یەک لە #شۆڕش ئیسماعیل# وەزیری پێشمەرگە و لیوا #چەتۆ ساڵح# بریکاری وەزیری ناوخۆ لە پۆستەکانیان دوورخرانەوە و ئاگادارکرابوونەوە کە نەچنەوە دەوام، بەڵام چەتۆ ساڵح بریکاری وەزیری ناوخۆ بە پێچەوانەوەی بڕیارەکەی سەرۆکی یەکێتی گەڕاوەتەوە سەرکارەکەی لە شاری #هەولێر#.
ڕۆژی 8ی کانونی یەکەمی 2022، نووسراوی خانەنشینبوونی سەرکەوتی کوبە بڵاوکرایەوە کە پێشتر لە لایەن یەکێتی نیشتیمانی کوردستانەوە بۆ پۆستی بریکاری وەزیری ناوخۆی حکومەتی هەرێم کاندیدکرابوو.
لە کاردانەوەی خانەنشینکردنی کاندیدەکەی یەکێتی نیشتیمانی کوردستان، #قوباد تاڵەبانی# جێگری سەرۆکی حکومەتی هەرێم، ئاگاداری تیمی یەکێتی کرد لە کابینەی نۆیەم کە بەشداری هیچ کۆبونەوەیەکی فەڕمی ئەنجومەنی وەزیران و مەڕاسیم و بۆنەی گشتی نەکەن.
لە چەند ڕۆژی ڕابردوودا، قوباد تاڵەبانی سەرپەرشتی کۆبونەوەیەکی تایبەتی کردووە لەگەڵ پەڕڵەمانتارانی حیزبەکەی و لەبارەی لیوا چەتۆ ساڵح پرسیاری لێکراوە و گوتویەتی (چەتۆ ساڵح، بگەڕێتەوە #سلێمانی# قاچی دەشکێنم، چونکە پێمان گوتووە نەچێتەوە بۆ دەوامی وەزارەت، بەڵام چووەتەوە و بۆ دەوام و یاوەری ڕێبەر ئەحمەدی کردووە).
لە دواین کۆبەنەوەی سەرکردایەتی یەکێتی نیشتیمانی کوردستان، بافڵ تاڵەبانی هەر یەک لە شۆڕش ئیسماعیل، وەزیری پێشمەرگە و لیوا چەتۆ ساڵح، بریکاری وەزیری ناوخۆی حکومەتی هەرێمی ئاگادارکردووەتەوە کە بە هیچ شێوەیەک نەگەڕێنەوە بۆ سەر کارەکانیان لە هەولێر.
شۆڕش ئیسماعیل وەزیری پێشمەرگە چووەتە دەرەوەی وڵات و نەگەڕاوەتەوە سەر کارەکەی، لە بەرانبەردا #پارتی دیموکراتی کوردستان# لە کاردانەوەی دەوام نەکردنی وەزیری پێشمەرگە لە ڕێگەی ئەنجومەنی وەزیرانەوە سەرجەم دەسەڵاتەکانی وەزیری پێشمەرگەی ڕادەستی #سەربەست لەزگین#، بریکاری وەزیری پێشمەرگە کردووە. کە ئەمەش یەکێک بوو لە ناکۆکییەکانی تیمی یەکێتی و پارتی لە حکومەت.
لە چەند ڕۆژی ڕابردوودا، لیوا چەتۆ ساڵح گەڕاوەتەوە سەر کارەکەی لە وەزارەتی ناوخۆ و گوێی بە بڕیاری حیزبەکەی نەداوە.
چەتۆ ساڵح بە ماڵ و منداڵ و خێزانەکەی هاتۆتە شاری هەولێر و تاوەکو ئێستاش نازانرێ ناوبراو دەیەوێ بە یەکجاری لە هەولێر نیشتەجێبێت، یاخود بەشێوەیەکی کاتی هاتۆتە هەولێر. [1]

ئێوارەی ئەمڕۆ سێ شەممە 2020.6.2، بەسەرپەرشتی د.فرسەت سۆفی پارێزگاری #هەولێر#، ژووری ئۆپەراسیۆنی پارێزگای هەولێر کۆبوونەوەیەکی ئەنجامدا، کۆبوونەوە گەیشتە ئەم بڕیار و ڕاسپاردانەی خوارەوە:-
یەکەم/ بەناوی ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا، بە پێویستی دەزانین سوپاس و ستایشی خۆمان ئاڕاستەی سەرجەم هاووڵاتییانی سنووری پارێزگای هەولێر بکەین، کە بەهەق نموونەیەکی جوان و شارستانیان لە پابەندبوون بە بڕیار و ڕێنماییەکانی قەدەغەی هاتوو چۆ نیشاندا و ئێمەیان سەربەرز کرد.
دووەم/ دوای ئەو کۆبوونەوەی کە ئەمرۆ لە دیوانی #وەزارەتی ناوخۆ#ی حکوومەتی هەرێمی کوردستان لەگەڵ بەڕێزان وەزیری ناوخۆ و وەزیری تەندروستی حکوومەتی هەرێمی کوردستان بە ئامادەبوونی سەرجەم پارێزگارەکانی هەرێم و سەرپەرشتیارانی یەکە ئیدارییەکان و بەڕێوەبەری گشتی تەندروستی پارێزگاکان ئەنجامدرا، لەبەر بەرژەوەندی و ژیان و گوزەرانی هاوڵاتییان بڕیاردرا لە سبەی 2020.6.3 کاتژمێر (6)ی ئێوارە بڕیاری قەدەغەی هاتووچۆ لەناو شارەکان کۆتایی پێبهێنرێت.
سێیەم/ سەرجەم دوکان و بازاڕ و ئەو شوێنانەی کە پێشتر بۆ خزمەتی هاوڵاتییان کرابوونەوە دەکرێنەوە بە مەرجی جێ بەجێ کردنی ڕێنامایی خۆپارێزی تەندروستی وورد کە بۆ هەر سێکتەرێک کۆمیتە و لێژنەی تایبەتمەند لەلایەن فەرمانگە و بەڕێوەبەرایەتییەکان بۆ بەدوا داچوون و چاودێریکردن و جێ بەجێ کردنی ئەو ڕێنماییانە پێکهێنراوە، بۆیە داواکارین هەموو هاوڵاتییان و ئەو شوێنانەشی کە کاردەکەن پابەندی ڕێنماییە تەندروستییەکان بن بۆ خۆپارێزی لە ڤایرۆسی کۆرۆنا، هەر شوێنێک پابەند نەبێت ڕێکاری یاسایی بەرامبەر دەگیرێتەبەر.
چوارەم/ ڕاگرتنی هاتوو چۆ بەشێوەیەکی تەواو لە نێوان سەرجەم پارێزگاکانی هەرێم و پارێزگاکانی تری عێراق، بەپێی خاڵی یەکەمی بەیانی ژمارە(38)ی ساڵی 2020ی وەزارەتی ناوخۆی حکومەتی هەرێمی کوردستان، تا کاتژمێر (12)ی شەوی 2020.6.6، بەداخراوی دەمێنێتەوە.
پێنجەم/ هاوڵاتیانی سنووری پارێزگای هەولێر دڵنیا دەکەینەوە، هەموو توانای خۆمان لەپێناوی پاراستن و پارێزگاریکردنیان خستۆتەگەڕ، بەهەموو شێوەیەکیش لە هەوڵەکانمان بۆ خۆپارێزی و پاراستنی ئاسایشی تەندروستی و بەدوورگرتنی هاوڵاتیانمان لە ڤایرۆسی کۆرۆنا بەردەوامین، ڤایرۆسی کۆرۆنا لەو قۆناغەدا مەترسیدارە و لە تەشەنکردن دایە و سەرچاوەی تەشەنەکردنەکەشی نادیارە، تووشبوانی ئەم دوایەش بەم ڤایرۆسە حاڵەتەکانییان ناجێگیرە و سەرچاوەی توشبونییان نادیارە، بەداخەوەش لەشارەکەماندا بەو هۆیەوە دوو هاوڵاتی گیانییان لە دەستدا، بۆیە داواکارین و تکا لە هاوڵاتیانی شارەکەمان دەکەین پابەندی بڕیار و ڕێنماییە تەندروستییەکانی خۆپارێزی لە ڤایرۆسی کۆرۆنا بن و زۆر هەستیارانە مامەڵە بکەن و خۆیان بەدووربگرن لە شوێنە قەرەباڵغەکان و دەستکێش و دەمامک ببەستن، لەپێناو پاراستنی ئاسایشی تەندروستی شارەکەمان و سەلامەتی هاوڵاتییانی.
#02-06-2020#

وەزارەتی ناوخۆی حکومەتی هەرێمی کوردستان بڕیاریدا سەرجەم ئه و شوێنانەی کاری دەرکردنی جن، نوشتە، سیحر و جادوی تیایدا ئەنجامدەدرێت قەدەغە بکرێت.
وەزارەتی ئەوقاف و کاروباری ئاینی حکومەتی هەرێم لە ڕاگەیەندراوێکدا، کە وێنەیەکی بۆ خەندان نێردراوە ڕایگەیاندوە، لەسەر پێشنیاری وەزارەتی ئەوقاف و دوای ئاڕاستەکردنی نوسراوی فەرمی بەژمارە 153 لەڕۆژی 14-10-2019 بۆ ەزارەتی ناوخۆی حکومەتی هەرێم، بەمەبەستی دروستکردنی هەماهەنگی بۆ بنەبرکردنی دیاردەی (نوشتە، سحر، جادو دەرکردنی جن) کە لەلایەن هەندێک کەسی بەرژەوەندی خوازو دور بەهای کۆمەڵایەتی و ئایینی پیرۆزە، سۆزی خەڵک دەقۆزنەوە، بڕیاردرا سەرجەمیان قەدەغە بکرێت.
ئاماژە بەوەشکراوە وەزارەتی ناوخۆ حکومەتی هەرێمی کوردستان بەنوسراوی فەرمی وەڵامی داواکاریەکەی وەزارەتی ئەوقافی داوەتەوە، فەرمانی بە بەڕێوەبەرایەتی گشتی پۆلیسی هەرێم کردوە، کە بە هەماهەنگی لەگەڵ وەزارەتی ئەوقاف کار بکەن بۆ نەهیشتنی ئەو دیاردە.
وەزارەتی ئەوقاف باسی لەوەشکردوە، بنبڕکردنی دیاردەی نوشتە، سحر، جادو دەرکردنی جن یەکێکە لەخاڵەکانی بەرنامەی کاری وەزارەتەکەیان لەکابینەی نۆیەمی حکومەتی هەرێمی کوردستان.[1]

موچەی وەزارەتی ناوخۆی حکومەتی هەرێمی کوردستان لە موچەی 19 وەزارەت و دەستەو فەرمانگە زیاترەو بۆ هەر مانگێک بڕی 150 ملیار دینار موچەی ئەو وەزارەتەیە.
ئاوێنەنیوز، هەولێر: وەزارەتی دارایی لەرونکردنەوەیەکدا ئاماژە بەوە دەدات دەبوو وەزارەتی ناوخۆ دووەم وەزارەت بوایە موچەی مانگی حوزەیرانی وەربگرتایە، بەڵام بەهۆی زۆری موچەکەیانەوە ئەوە نەکراوە.
لەو ڕونکردنەوەدا هاتووە "دوای بڵاو کردنەوەی خشتەی دابەشکردنی موچەی مانگی حوزەیرانی ئەو وەزارەت و دەستانەی ڕامان گەیاندبوو، دەمانەوێت ئاماژە بەوە بکەین کە دەبوایە وەزارەتی ناوەخۆ لە ِیزبەندی دووەم بوایە لە دوای وەزارەتی پێشمەرگە، بەڵام بەهۆی ئەوەی کە وەزارەتی ناوخۆ موچەی مانگانەیان (150) ملیار دینار دەبێت، وە بەهۆی دابین نەکردنی ئەو بڕە پارەیەوە تەنها توانرا موچەی ئەو وەزارت و دەستانە دابەشبکرێت". کەپێشتر وەزارەتی دارایی ڕایگەیاندبوو ڕۆژی شەممە موچەیان پێدەدات.
بەم پێیەش بێت تەنها موچەی وەزارەتی ناوخۆ بۆیەک مانگ زیاترە لەموچەی 19 وەزارەت و دەستەو فەرمانگەوە.
بەهەموو"دەزگای‌ گشتی‌ ئاسایش، ئەنجومەنی‌ ئاسایش، وەزارەتەکانی‌، پلان دانان، شەهیدان و ئەنفالکراوەکان، بازرگانی‌ و پیشەسازی‌، ئەوقاف و کاروباری‌ ئاینی‌، داد، گواستنەوه و گەیاندن، کارو باری‌ کۆمەڵایەتی‌، ئاوەدان کردنەوه و نیشتەجێبوون، ڕۆشنبیری‌ و لاوان، دارایی‌ و ئابووری‌، سامانە سروشتیەکان" دەستەکانی "مافی‌ مرۆڤ، وەبەرهێنان، دەستپاکی‌، ژینگە، لەگەڵ دیوانی‌ چاودێری‌ دارایی‌ و ناوچە کوردستانی یەکانی‌ دەرەوەی‌ ئیدارەی‌ هەرێم و ئەنجومەنی‌ دادوەری"‌.
موچەی مانگانەیان 98 ملیار دینارە لەکاتێکدا موچەی وەزارەتی ناوخۆ 150 ملیار دینارە.
وەزارەتی دارایی هەرێم ڕاشیگەیاندووە لەهەوڵی جدی دایە لە ڕێگەی وەزارەتی سامانە سروشتیەکانەوە موچەی ئەو وەزارەتانەی کە ئاماژەمان پێ نەکردبوو بۆیان دابین بکرێت، تا بتوانرێت پێش جەژن موچەکانیان وەربگرن،
مانگانە موچەی گشت فەرمانبەرانی حکومەتی هەرێمی کوردستان بڕەکەی دەگاتە (850) ملیار دینارو بۆ مانگی حوزەیرانیش تەنها موچەی وەزارەتی پێشمەرگە دراوە.
- 17-07-2014

=KTML_Bold=پلەی لیوا و عەقید و موقەدەم دراوە بە کەسانێک کە بڕوانامەی سەرەتاییان هەیە=KTML_End=

بەپێی نووسراوێک کە #ئاوات شێخ جەناب# وەزیری دارایی #حکومەتی هەرێمی کوردستان# ئاڕاستەی #وەزارەتی ناوخۆ#ی کردووە ڕێکارە داراییەکانی بەرزکردنەوەی پلەی 32 ئەفسەری سەر بە #بزووتنەوەی گۆڕان#ی ئەنجامداوە و ئەو ئەفسەرانە بەپێی فرمانێکی نهێنی #مەسرور بارزانی# سەرۆکی حکومەت لە ڕێکەوتی #07-06-2023# و نووسراوێکی نهێنی سەرۆکایەتی دیوانی ئەنجوومەنی وەزیران لە ڕێکەوتی #09-06-2023# پلەیان بەرزکراوەتەوە.
بەدەر لە ڕێنمایی تەنیا 32 ئەفسەری سەر بە بزووتنەوەی گۆڕان هەڵبژێردراون و پلەیان بەرز کراوەتەوە کە پێکهاتوون لە سێ لیست. لیستی یەکەم 19 ئەفسەرە بە عەمید ڕزگار ئەحمەد دەست پێدەکات و بە مولازم کاوە ئەحمەد کۆتایی دێت. لیستی دووەم 10 ئەفسەرەو بە عەمید فەرەیدون عومەر دەست پێدەکات و بە ڕائید حسێن عەبدوڵڵا کۆتای دێت. لیستی سێیەم سێ ئەفسەرن بە عەمید شکور محەمەد دەست پێدەکات و بە ڕائید کامەران عەبدوڵڵا کۆتایی دێت.

سەرجەم ئەو ئەفسەرانە سەربە وەزارەتی ناوخۆن و چەند ئەفسەرێکیان سەر بە بەرگری و فریاکەوتنن و ئەوانی تر سەر بە پۆلیس و پۆلیسی دارستان و هاتوچۆن و بەدەر لە ڕێکارەکانی وەزارەتی ناوخۆ تەنیا لە ڕێگای ئەنجوومەنی وەزیران و وەزارەتی داراییەوە پلەیان بۆ بەرزکراوەتەوە.
هەندێک لەو ئەفسەرانە بڕوانامەی سەرەتاییان هەیە و پلەیان بۆ لیوا و عەقید و ڕائید بەرزکراوەتەوە.
جیاکردنەوەی ئەفسەرەکانی گۆڕان و پلەبەرزکردنەوەیان بە فەرمانی نهێنی لە چوارچێوەی ڕێکەوتنی نێوان بزووتنەوەی گۆڕان و #پارتی دیموکراتی کوردستان#دایە و وەزیری دارایی لە ڕێکەوتی #12-06-2023# بەخێرای هەموو ڕێکارە ئیداری و داراییەکانی پلە بەرزکردنەوەکەی ئەنجامداوە و بەپێی پلە نوێیەکانیان مووچەی ئەو ئەفسەرانە زیاد کراوە.
پلە بەرزکردنەوەی ئەفسەرەکانی سەر بە بزووتنەوەی گۆڕان لە کاتێکدایە لە ماوەی ڕابردوو سەرۆکی حکومەت بەرزکردنەوەی پلەی دوو فەرماندەی سەربازی #یەکێتیی نیشتمانیی کوردستان#ی ڕەت کردەوە. [1]

この項目はKurdipediaのによると規格はまだ確定されていません！

#27-02-2020#

=KTML_Link_External_Begin=https://www.kurdipedia.org/docviewer.aspx?id=257716&document=0001.PDF=KTML_Link_External_Between=وەزارەتی ناوخۆ چەند ڕێنماییەکی لەبارەی بەکارهێنان و گواستنەوەی غازی شل دەرکرد=KTML_Link_External_End=
#13-02-2019#